L'artista Marina Ladero enseña n'Uviéu una selección de les sos obres
Los trabayos, de técnica mesta sobre papel, tán protagonizaos por aves del ámbitu asturianu
L'artista Marina Ladero presenta nel escaparate de "Metro y Medio de arte", nel númberu 12 de la céntrica cai Cervantes d'Uviéu, una selección d'obres realizaes con técnica mesta sobre papel. Recurre a recortes y plegaos qu'apurren volume y efectos espaciales bien suxerentes.
L'artista destaca por un tratamientu del color mui personal que nos lleva hasta l'astracción llírica, sobremanera, por un dominiu cromáticu cargáu de matices que crea efectos atmosféricos.
Nesta ocasión, a esti estilu característicu axúntase la incorporación de la figura. Trátase d'una serie que tien como protagonistes aves del ámbitu asturianu. Páxaros que s'enseñen integraos, formal y cromáticamente, n'acertaes composiciones.
Ente la variedá de formatos d'esta pequeña esposición, rescampla la pieza principal, de mayor formatu, que dexa apreciar en detalle'l so estilu: una pintura sensible y meditada cargada de poesía que, pol protagonismu de les aves, remite tamién a la fraxilidá de la naturaleza.
Temas
Más en N'asturianu
-
Esti ye l'ave mui presente n'Avilés con una población que baxa de forma esmolecedora, según los ornitólogos
-
Iberdrola cuenta invertir 12 millones en dos almacenes d'enerxía en Xixón
-
Aceru verde fechu con control remotu: lo que va llegar al fornu d'Arcelor en Xixón
-
El Muséu Belles Artes amplía la so colección de pintura del XIX