La seronda más prestosa, n’El Coto
L’alumnáu del Colexu Rural Agrupáu de Samartín d’Ozcos cuerre, xuega y paña castañes, bellotes y mazanes en monte: "Estas clases d’inmersión llingüística son mui boas pra os nenos"
Rapazos y rapaces del aula de Samartín del CRA Oscos llancen unes fueyes al aire nel monte d’El Coto. / Illán GarcíaI. G.
Les fueyes enllenen los parques, los montes: yá aportó la seronda, la estación na qu’hai que garrar la chaqueta, magar qu’esti añu faiga más calor que nos años caberos. En el CRA Oscos nel aula de Samartín sábenlo perbién. Y como diz el maestru de gallegoasturianu, Juanra Iglesias: "Os nenos e as nenas da escola de Samartín del CRA Oscos tán trabayando estos días l’outono, xustamente’l magosto".
Participantes na salida. / Illán GarcíaI. G.
La escola rural cunta con cinco rapacinos d’Infantil y diez de Primaria. "A pasada semá, nel proyeto que se ta facendo dende l’área de gallegoasturianu, os nenos foron al monte El Coto, nas Pontes (Samartín), unde correron, xogaron e tamén coyeron castañas, landres, mazás e outros frutos d’outono", desplica Iglesias.
Lara López Iglesias, Vera Martínez Freije ya Irene Vergara León, en clase. / Illán GarcíaI. G.
Laura López Jardón pañó dellos oricios y castañes, lo mesmo que Diego Gómez Villamea. Tamién tuvieron tiempu pa llanzar les fueyes al aire y esfrutar d’una xornada pel monte. "Estas clases son mui boas pra os nenos", espón el maestru de gallegoasturianu. "D’este xeito os pequenos conocen inda máis el sou entorno e aprenden a valorar a riqueza natural que temos, todo nun clima d’inmersión llingüística en gallegoasturianu", añede.
Diego Gómez Villamea con unes castañes. / Illán GarcíaI. G.
Tres dellos minutos nel monte El Coto, los rapacinos tornaron pa clase. El trabayu sobre los frutos sigui na clase, col analís d’una poesía ensin autor conocíu y que lleva por títulu "Frutos del outono".
En versu, esi poema da un repasu a dellos de los productos serondiegos. "As noces y as almendras, piñóis y uvas tamén, granadas y mandarinas contigo compartiréi (...) qué ricas son as mazás, con elas faréi un pastel y as castañas asadas, bañadas de rica mel", diz esi poema escritu nun papel que tien esos frutos a un llau y al que los rapacinos del CRA dan-y color p’amuesar non solo con palabres esi calter serondiegu de tonos amarronaos como’l de les castañes o les bellotes.
L’Academia de la Llingua Asturiana (ALLA) convoca un nuevu concursu, la Olimpiada escolar de redaición "Urbano Rodríguez". En rialidá son dos convocatories, una empobinada al alumnáu de Primaria y otra pa Secundaria y Bachilleratu. La inscripción ha facese fasta’l 4 de payares y dende los centros educativos. Cada concursu tien dos prebes. La primer ye a distancia y sincrónica, con tolos participantes al empar y al traviés d’internet. Tres la primer criba, los finalistes dirán a Uviéu, onde yá nuna preba presencial han responder a una serie d’exercicios nos que los rapacinos falarán d’un asuntu concretu. L’ALLA pon dellos exemplos de les prebes na so páxina web tanto pa les modalidaes de llingua asturiana como de gallegoasturianu. Asina, ún de los modelos plantega a los escolinos de Primaria que despliquen el so xuegu preferíu. Tienen que facer un testu nel qu’han de salir pallabres qu’empiecen por "ll", tres colores y un mes de la seronda. Pal concursu de Secundaria y Bachilleratu, la preba ye similar magar que con más dificultá. Nel exemplu qu’ufre l’ALLA na so web hai que falar nun testu d’educación, responder a delles entrugues amás de qu’apaezan delles pallabres como un alverbiu fináu en "u", como davezu, o dalgún sustantivu qu’entame por "ll" y incluyir "moblame", que ye conxuntu de muebles.
- Emergencias pone en alerta a todos los asturianos: 'Cierre ventanas y puertas, y aléjese de cornisas, muros y árboles
- El templo de la hostelería asturiana que cerrará sus puertas a finales de año: 'Es mucho más que una sidrería, es un verdadero centro cultural de Avilés
- Muere un hombre en un accidente de madrugada en Grado: un vigilante encontró el coche en la carretera y llamó a Emergencias
- Gran despliegue por el monte para encontrar a Tomasín, 'el rambo de Tineo': sus últimas palabras antes de desaparecer y la preocupación porque 'ya no está como para dormir a la intemperie
- El pueblo asturiano de Banksy: esta es la original y desconocida aldea llena de retratos de sus vecinos en puertas, ventanas y fachadas
- Largas filas en Lidl para hacerse con la aspiradora cuadrada que cabe en una mano y deja bordes de ventanas, mesas y suelos, nuevos: despídete de frotar
- Los narcos dominicanos instalados en Gijón, la primera Crime as a Service (CaaS) en España, ofrecían sus “servicios” a bandas de todo el país: “vuelcos”, “amarres”, “dar piso”…
- Aterriza por tiempo limitado en Lidl la mopa de vapor low cost que deja desde moquetas a ventanas y persianas como recién compradas
