El Nazaret tien oficiu enforma
Los alumnos del centru, na Selmana Cultural, aprendieron cómo puede ellaborase miel y barquillos, y recibieron la visita de la exalumna Vanesa Martínez, pilotu de rallies
Los alumnos del colexu Nazaret aprendieron cómo s’ellabora un barquillu y conocieron más sobre la producción artesanal de miel. Tou ello na tercer Selmana Cultural del centru, na qu’axeita tamién el proyeutu "Alcuentros", que se desenvolvió del llunes al vienres de la selmana pasada con una gran variedá d’actividaes en distintos espacios "p’aprender de forma más lúdica y motivadora", afirma la direutora pedagóxica del colexu Nazaret, María García.
Esta última iniciativa llegó a la XII Edición y ta dirixida a los alumnos de Secundaria. El programa "Alcuentros" tien ente los sos oxetivos el de "averar a los estudiantes a les conocencies que nun tán presentes nos llibros, a otra forma d’aprender al traviés de les esperiencies profesionales de distintos ámbitos". Los hermanos Pablo y Joaquín Junquera Llaneza, al mandu de Miel Inmaculada, empresa asitiada nel polígonu d’Argame, averaron a los neños y los mozos a l’apicultura.
Los alumnos pudieron ver dos antiguos truébanos y un caxellu tresparente, amás del traxe de proteición qu’utilicen p’arimase a los truébanos y ún de los afumadores qu’empleguen. "¡Apicultura pa la biodiversidá!" yera’l títulu de la espirica ufiertada por Pablo y Joaquín Junquera, a los que los alumnos de segundu cursu d’ESO-yos fixeron entrugues qu’ellaboraren en clase.
Estes actividaes programaes pol centru vienen preparaes primeramente nes aules. "Los estudiantes trabayen sobre elles primero d’allegar a les charres o los talleres", esplica la direutora. D’actividaes culturales, deportives, cuentacuentos, espectáculos y talleres compúnxose la Selmana Cultural y el proyeutu "Alcuentros", esti postreru abiertu al públicu y que cuntó con vecinos del barriu.
El golor a barquillos anubrió’l centru. Guillermo Pelayo, qu’ellabora los barquillos de miel nel so obrador de la cai Rivero d’Avilés, foi l’encargáu d’ufiertar la espirica nel colexu Nazaret y de repartir ente los alumnos los barquillos por que los tastiaren. Tamién-yos enseñó les barquilleres nes que tresllada el productu.
Pero estes nun fueron les úniques actividaes programaes. Impartióse un taller de plantes y una charra sobre salú, y entamóse un concursu d’escritura creativo. Falóse sobre programación, y Álex Avello, etólogu y direutor de l’asociación Oceavida, tresmitió a los estudiantes la necesidá de conservar los océanos.
Una exalumna del centru, Vanesa Martínez Alonso, allegó pa cuntar cómo llogró cumplir el so suañu de ser pilotu de rallies. Los alumnos pudieron ver el coche col que compite, que s’enseñó nel patiu del centru. El programa "Alcuentros", centráu en Secundaria, llegó a la XII Edición y solo se dexó de celebrar dos años por mor de la pandemia. Darréu y pa incorporar a Infantil y Primaria entamóse una Selmana Cultural. Cola actividá concluyida de recién, el colexu Nazaret, dirixíu poles relixoses Fíes de María Madre de la Ilesia, yá piensa na próxima edición de l’actividá.
- Belén Esteban habla abiertamente de su problema de salud: "Me han encontrado...
- Terelu Campos se derrumba en directo al escuchar esta comprometida pregunta: "Mírame, no puedo más
- Reacción en Cadena da la sorpresa con el cambio de concursantes: ¿Qué ha pasado con los Mozos de Arousa?
- Sofía Cristo sorprende con el anuncio más esperado: la fecha y la felicitación de Bárbara Rey
- Adiós a Jorge Fernández: su vida fuera de La ruleta de la suerte
- Oviedo baraja el miércoles o el sábado como días para el futuro mercadillo semanal de la plaza del Conceyín
- Sale a la luz el secreto mejor guardado de Bigote Arrocet y María Teresa Campos: "No se podía decir
- Supervivientes 2024': Claudia, sexta expulsada y Miri regresa a la lista de nominados con el debut de Torres