Un cartelu inéditu pal Muséu del Pueblu d'Asturies
Fernanda Suárez dona un póster promocional de la Esposición de Productos Rexonales del Noroeste de 1946, obra de Joluca
Na primer metá del sieglu pasáu la Esposición de Productos Rexonales del Noroeste, promovida pol Ministeriu d'Industria y Comerciu y el Conceyu de Xixón, axuntaba na ciudá a más d'un centenar d'empreses, sobremanera gallegues, lleoneses y asturianes. Yera una cita de referencia, qu'anunciaba un cartelu innovador del dibuxante José Luis Catraín, conocíu como Joluca, que colos sos trazos reinventaba'l llinguaxe de la dómina.
El cartelu anunciador de la cita de 1946, inéditu hasta la fecha, foi donáu al Muséu del Pueblu d’Asturies por Fernanda Suárez Gutiérrez, fía del empresariu Antonio Suárez, apocayá nomáu Fíu Adoptivu de Xixón. El cartelu quedó espuestu na recepción del muséu xixonés, onde va poder contemplase mientres los meses de xunetu y agostu.
L'autor del cartelu ye'l xixonés José Luis Catraín, que trabayó como dibuxante profesional nes décades de los años cuarenta y cincuenta. Esti póster axúntase a la colección histórica del Muséu del Pueblu d’Asturies, que cunta con otru de la VI Feria d'Amueses Asturiana, celebrada en 1929. A ellos súmase, amás, la colección de tarxetes postales colos cartelos de les feries celebraes nos años venti del sieglu pasáu.
Temas
Más en N'asturianu
-
Patrimoniu empieza'l trámite pa que'l teatru popular asturianu y la xota seyan Bien d'Interés Cultural
-
¿Qué ye la Xira l'Oriente Trad Alcuentru que se va celebrar en Llanes?: "Va haber muncha folixa"
-
El Principáu analiza un plan d'almacenamientu enerxéticu pa Llugo (Llanera)
-
Fracasu de la ufierta MIR de Familia: places ermes nestos dos grandes conceyos