El Principáu traduxó 1.681 documentos al asturianu nel 2022
El Portal de Traducción de la Dirección Xeneral de Política Llingüística traduxó al asturianu o al gallego-asturianu nel 2022 un total de 1.681 documentos del sector públicu autonómicu que sumen 4.571 páxines.
La Dirección Xeneral diseñó nel empiezu d'esti 2023 una campaña de difusión interna, que se distribuyó ente los distintos departamentos, servicios y empreses de l'Alministración del Principáu d'Asturies, sopelexando'l 'Portal de Traducción'.
Trátase d'un serviciu que tien a disposición del sector públicu autonómicu pa traducir, a demanda, campañes publicitaries en cualquier soporte, notes de prensa y comunicaos, publicaciones pal BOPA, convocatories, indicadores, señalizaciones o rotulación d'instalaciones, amás d'atender consultes llingüístiques cola idea de que l'Alministración faiga un usu correctu de la llingua asturiana.
Na mesma campaña, na que se distribuyó un calendariu de mesa, aprovechóse pa informar del buscador de toponimia que permite consultar fácilmente la forma correcta de los nomes de pueblos y villes que tienen la toponimia oficializada. El mesmu Portal resuelve tamién dudes toponímiques.
Más en N'asturianu
-
El Muséu Antón de Candás cumple 35 años y celebra'l so aniversariu
-
Educación va introducir na llei de la rede 0 a 3 la denominación en gallego-asturianu 'As Escolías'
-
Lluz verde por que nueves plantes eléctriques usen el nuedu de la térmica de Lada
-
Los xixoneses Ora Labora Studio presenten la so obra gráfica na galería 451 d'Uviéu