Una especie de mosca pa reaprovechar residuos: l'orixinal proyectu de Capsa y Cogersa
La esperiencia, en fase preindustrial, va utilizar una tecnoloxía d'Entomo, participada pol grupu asturianu
Capsa, filial industrial y comercial de Central Llechera Asturiana, va desenvolver con Cogersa (Compañía pa la Xestión de los Residuos Sólidos n'Asturies) un proyectu pre-industrial, pioneru n'Europa, pal tresformamientu de residuos orgánicos en materia d'altu valor añedíu pa nuevos usos industriales por aciu del empléu de la mosca soldáu negra, qu'actúa como bioconversor.
La técnica vien desarrollándola nos postreros dos años y mediu la empresa murciana Entomo Agroindustrial, de la que Capsa adquirió'l 15% en septiembre de 2019. Tres el desarrollu de la fase de llaboratoriu, va entamase agora la etapa preindustrial en mou piloto por aciu del usu de recipientes con tamañu asemeyáu a los contenedores, y que van actuar como una biorrefinería.
Capsa va utilizar estes instalaciones pa llograr valor añedíu de los sos subproductos y residuos lácteos, lo que va permitir xenerar nueves materies primes pa otros procesos productivos na industria farmacéutico y cosmético (péptidos con actividá antimicrobiana, quitosanu con delles funciones y ácidos grasos pa l'alimentación animal) y compost ecolóxicu y biofertilizantes, ente otros posibles aprovechamientos.
El proyectu concíbese como un modelu d'economía circular, que dexe valorizar subproductos y averase al ideal de cero residuos, suprimiendo'l so impactu ambiental.
Entomo Agroindustrial ye una empresa fundada y empobinada por Diego Amores y un equipu científicu sofitáu por una grupu multidisciplinar de profesionales especializaos en distintos ámbitos. La compañía empecipió la so actividá n'ochobre de 2019 cola apertura d'un centru d'investigación nuna instalación de 400 metros cuadraos en Cehegín (Murcia) depués d'una inversión inicial de 500.000 euros.
L'oxetivu fundacional d'Entomo ye l'estudiu del usu d'insectos como bioconversores de tou tipu de residuos industriales, la busca de soluciones industriales pal tratamientu de materia orgánico y la formalización de modelos de tresferencia tecnolóxica pa una amplia variedá de veceros.
Un mes enantes de la entrada n'actividá d'Entomo, Capsa incorporóse al so capital dientro de la so estratexa de diversificación en nuevos negocios y llogró un alcuerdu cola empresa murciana pa la collaboración de dambes sociedaes nel desenvolvimientu d'un proyectu tecnolóxicu ya industrial pa tresformar los residuos de la compañía láctea asturiana que permita integralos otra vuelta na economía.
Entomo tamién entamó un proyectu de collaboración con Grana Ipstar, miembru de tresferencia de tecnoloxía del consorciu internacional Melissa, que dirixe l'Axencia Espacial Europea, pal desarrollu de tecnoloxíes y métodos amañosos pa usase en misiones espaciales. Tamién acaba de firmar un conveniu coles empreses murcianes Alimer y Cefusa pa emplegar gates pa tresformar y reutilizar el purín.
Suscríbete para seguir leyendo
- Danone y Arias dejan de comprar leche a los ganaderos asturianos
- Un perro en la calzada causa un choque múltiple entre cinco vehículos, con seis heridos, en la Autovía de Siero, a la altura de Amazon
- La gran subasta en Sotheby´s de una familia propietaria de un famoso castillo asturiano y con vinculos empresariales con la región
- La opinión del presidente de Alsa Asturias sobre los ataques del ministro Puente a los trenes "low cost" de Ouigo: "Es una pataleta
- Asturias celebra un buen puente turístico (pero no para todos) y acaricia ya un verano de récord
- Las 400 plazas de médico difíciles de cubrir que traen de cabeza a Asturias
- Esta es la comunidad autónoma más querida por los españoles (y sí, seguro que probaste su comida)
- María Jesús Otero, primera condenada del "caso Marea" en lograr la libertad