La campaña de branu va xenerar 10.890 empleos n'Asturies, según Randstad
La campaña de branu va xenerar 10.890 contratos n'Asturies, un 15,5% más que la de va un añu, cuando se roblaron 9.426, según los cálculos de la empresa de recursos humanos Randstad.
Asturies rexistraría'l cuartu mayor aumentu de la contratación, per detrás d'Estremadura (26,3%) Murcia (20,2%) y Castiella-La Mancha (16 %).
Pal conxuntu del país, Randstad cuenta con una medría del 2,3%, con un total de 507.090 contratos. El 37,4% de los alcuerdos va ser nel sector d'agospiamientos, siguíos pola loxística, con un 28,9%.
Anque'l datu nacional ye mayor qu'el de va un añu, ye un 4% inferior al de 2021, daqué que Randstad achaca a que "el númberu total de contratos viose amenorgáu poles nueves fórmules y pola dinámica de contratación indefinida" qu'introdució la reforma llaboral. Por casu, por aciu de los contratos fixos discontinuos.
Temas
Más en N'asturianu
-
Patrimoniu empieza'l trámite pa que'l teatru popular asturianu y la xota seyan Bien d'Interés Cultural
-
¿Qué ye la Xira l'Oriente Trad Alcuentru que se va celebrar en Llanes?: "Va haber muncha folixa"
-
El Principáu analiza un plan d'almacenamientu enerxéticu pa Llugo (Llanera)
-
Fracasu de la ufierta MIR de Familia: places ermes nestos dos grandes conceyos