Misteriu y mieu nel IES
Cuatro estudiantes d’ESO del Xovellanos xixonés graben un curtiumetraxe pa presentar al certame del Día de les Lletres
Mario González, Gael Gorricho y Mateo Sánchez, nuna de les escenes del curtiumetraxe. / I. García
–El móvil diz que ye per equí.
–¿Tas seguru?
–¡Que sí! Prendei les llinternes que ta a escures esta sala.
Mateo Sánchez intenta abrir una ventana. / I. García
Un aula del IES Xovellanos va delles selmanes nun escenariu d’un curtiumetraxe que lleva por títulu ¿Úla? y afonda nuna una hestoria de mieu y misteriu. Mario González, Mateo Sánchez, Gael Gorricho y Samantha Vélaz son estudiantes de Segundu d’ESO nesi centru y al empar directores, guionistes y actores de la película que van presentar al XI Certamen de Creación Audiovisual de la prósima Selmana de les Lletres asturianes.
A lo primero, los cuatro estudiantes fixeron una lluvia d’idees y tres refugar delles temátiques, escoyeron cuntar la hestoria d’una desapaición d’una alumna nun institutu abandonáu. "Una amiga desapaez y piensen que-yos ta faciendo una broma mandándo-yos una ubicación al institutu", desplica el profesor de Llingua asturiana del IES Xovellanos, Inaciu Galán.
Esa desapaecida ye Olaya, papel que fai Samantha Vélaz. Pa grabar el curtiu, los escolinos camudaron la clas, dexáronlu too cuasi a escures y con meses y sielles pates arriba, p’asina ambientar la hestoria.
Una escena del curtiumetraxe. / I. García
"Lo guapo d’estos proyectos ye que trabayes tolos aspectos, la creatividá, la escritura col guion, l’usu oral, les competencies dixitales, el soltase tamién a la interpretación y a falar asturianu. Ye un tipu d’actividá na que deprenden mientres lo pasen bien", desplica’l profesor de Llingua asturiana del institutu xixonés.
La conseyería d’Educación xunto cola de Cultura, Política Llingüística y Turismu del Principáu convoquen el XI certame de creación audiovisual pensáu pal alumnáu de Quintu de Primaria al de Segundu cursu de Bachilleratu. El plazu pa presentar los trabayos fina’l miércoles 12 d’abril. El concursu enmárcase nos actos de la 44 Selmana de les Lletres Asturianes, que va entamase pal mes de mayu. Amás, el Principáu convoca’l XXVII Certamen de Creación Artística lliteraria, el XIX concursu de cartelismu y la novena edición del premiu de teatru escolar.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Belén Esteban confiesa por primera vez los motivos de su ruptura: 'El fallo lo tuve yo
- Vuelven las carabelas portuguesas y obligan a cerrar al baño una de las playas más concurridas de Asturias
- Se descubre la nueva ilusión de Suescun mientras participa en Supervivientes: 'Nos gustamos
- Alessandro Lequio rompe su silencio y habla abiertamente del problema de salud que padece: 'Me acaban de llegar los resultados
