"Educar ye la nuesa forma d’amar"
El colexu Amor de Dios d’Uviéu celebró’l pasáu vienres l’empiezu de la so fundación educativa, qu’inclúi’l programa Erasmus+
Una imaxe de la celebración del estrenu de la fundación educativa del colexu Amor de Dios, nel patiu del centru. | Semeyes cedíes a LNE / J. A. C.
J. A. C.
El colexu Amor de Dios d’Uviéu celebró’l pasáu vienres, 29 de setiembre, xunto a los otros 21 colexos colos que comparte grupu repartíos per tola xeografía española, l’estrenu de la so fundación educativa. Nestos 22 colexos, espardíos per tola Península, fórmense y eduquen más de 14.000 alumnos y trabayen 1.300 profesionales. Padres, profesores, alumnos y personal d’alministración y servicios (PAS) axuntáronse a les relixoses del Amor de Dios nun emotivu actu que, sol títulu "Daqué nuevo ta naciendo, ¿nun lo notáis?", desendolcóse nel patiu del mesmu centru educativu.
Dellos alumnos posen con una pancarta col lema del centru. | Semeyes cedíes a LNE / J. A. C.
Sol lema "Educar ye la nuesa forma d’amar", el colexu Amor de Dios ufierta una educación integral que toma, nes sos remocicaes instalaciones, toles etapes educatives dende Infantil hasta Bachilleratu, siendo amás pioneros n’anovación educativo, programa Erasmus +, metodoloxíes actives, aprendizaxe basáu en proyeutos, aprendizaxe-serviciu, desenvolvimientu de la oratoria... A lo último, un llugar ideal pa formase. El programa Erasmus+ ye una apuesta de la Unión Europea (UE) que, tal qu’indica la so páxina web, "tien como oxetivu sofitar la educación, la formación, la mocedá y el deporte en toa Europa" al traviés de los sos proyeutos de calter tanto formativu y lectivu como deportivu.
Los neños del Amor de Dios, na presentación del programa Erasmus+. | Semeyes cedíes a LNE / J. A. C.
Erasmus+
Nel colexu Amor de Dios d’Uviéu crecieron, evolucionaron y trabayaron dientro d’esti proyeutu d’estudios internacionales, lo que los llevó a consiguir l’acreditación Erasmus+ de la Unión Europea pal periodu 2021-2027.
Anguaño, xunto a centros educativos d’otros cuatro países, l’Amor de Dios centra la so actividá nel mundu de los deportes, al facer delles movilidaes (Hungría y Francia esti cursu) nes que se trabayen el sentimientu de la ciudadanía europea, la promoción de los valores comunes europeos, la educación inclusiva y, a lo último, la internacionalización de la educación, tan importante nun mundu que da reblagos de xigante hacia la globalización.
- Buenas noticias para los matrimonios mayores de 65 años: el regalo de 2.230 euros del Gobierno
- Adiós a Raúl en Reacción en Cadena: el Mozo de Arousa se borra en la final del programa y abandona a sus compañeros
- Adiós a Arantxa del Sol tras desvelarse su secreto con Ángel Cristo en Supervivientes: "No es fácil, es fuerte
- Las cabañuelas confirman lo que está por llegar: 69 litros por metro cuadrado y verano adelantado
- Confirmada la separación de Ángel Cristo Jr. y Ana Herminia: "Empiezo a valorar las cosas
- Buenas noticias para los padres: el regalo de Hacienda de hasta 1.500 euros que están recibiendo en su cuenta
- Adiós a Ion Aramendi tras más de 200 programas: así es Jordi, el nuevo presentador de Reacción en cadena
- Alba Carrillo desvela la verdad sobre el marido de Rocío Carrasco: "Todos los días me llama, me cuida, me ayuda
