Tal paez que la mayoría de la xente vota a bultu. Ente lo que suena na radio, lo que se ve pola tele y lo que se llee nos periódicos faen munchos un compangu y vomiten na urna lo que-yos sal del butiellu. Hai quien nun votará a Ciudadanos porque "son catalanes", quien nun votará a Podemos porque "Pablo Iglesias solu hai unu", quien nun votará al PP porque tien "tirria a los gallegos", quien nun votará al PSOE "por si acasu torna Zapatero" y quien nun votará a IU porque "esi tal Garzón yá yera mal xuez". Hai en Spain 36.510.952 potenciales votantes. ¿Cuántos lleerán los programes eleutorales de los partíos pa comprobar si tán d'acuerdu? ¿Una? ¿Nenguna? ¿Y cuántos se dexarán embabucar polos cuentos de que si esti ye fascista, esi bolivarianu o aquelli babayu? Pues voi lleer tolos programes. Y depués ya h.aré lo que mi sala del votu. Eso sí, namás lleeré los qu'heba n'asturianu. !Ah, que nun hai nengunu...! ¡Pues eso qu'ah.orro!