La bióloga Carmen Rodríguez va ser "Embaxadora de les ostres" en reconocimientu a la so trayectoria venceyada a esti cultivu de la ría del Eo
La fiesta gastronómica dedicada al preciáu moluscu va celebrase ente'l 2 y el 5 de mayu nel muelle de Castropol
Carmen Rodríguez enseña una caxa d'ostres na depuradora de Castropol. / T. Cascudo
El Conceyu de Castropol asoleyó'l programa del so festival gastronómicu "Somos la ostra", que va celebrar la so décima edición ente'l 2 y el 5 de mayu nel muelle castropolense. Nesta edición recupérase la figura de "Embaxadora de les ostres" pa reconocer la trayectoria de la bióloga Carmen Rodríguez, responsable del Centru d'Esperimentación Pesquera de Castropol, un equipamientu que xuega un papel clave nel fomentu y desenvolvimientu d'esti cultivu na ría del Eo.
Según indiquen dende'l consistoriu a la bióloga natural d'A Veiga apúrrese-y esti títulu "en reconocimientu a tola so trayectoria profesional y a la so vinculación cola ostra y col festival dende los sos entamos". Pa esta profesional, qu'empezó a trabayar nel centru nel añu 1985, esti festival va ser especial una y bones se xubila en mayu depués de cuasi cuatro décades de trabayu nel estuariu fronterizu.
El so nomamientu va ser l'actu central de la inauguración, prevista pal xueves 2 de mayu. A les seis y media va empezar la degustación d'ostres al natural al cargu de los productores locales. La inauguración formal va ser una hora dempués y va poner música la banda de gaites El Penedón. El programa del xueves ciérrase cola actuación de "La Versión de los Hechos", na carpa instalada nel muelle de la Punta.
A lo llargo de los cuatro díes d'actividá tán previstes propuestes variaes como visites empobinaes al Centru d'Esperimentación Pesquera de Castropol onde se depura la ostra, tamién va haber degustaciones y exhibiciones de cocina. Nesta edición, el show va correr al cargu de los alumnos de cocina del institutu Valle d'Ayer. Precisamente el llunes van recibir formación nel tratamientu de les ostres de la mano del cocineru coañés Elio Fernández, que dirixe'l Restaurante Ferpel con una Estrella Michelin.
Nel programa nun van faltar clásicos como'l concursu d'abridores d'ostres y, como novedá, habrá una xornada d'observación d'aves dende la playa de Salías.
“Cola ayuda de la Conseyería de Cultura, Política Llingüística y Turismu del Principáu d´Asturies”.
- Una tormenta solar traslada las auroras boreales a Asturias: así fue la espectacular imagen que pintó los cielos de varias regiones españolas
- El "reseteo" de Ignacio Villaverde: fulmina de su equipo a los aliados que en 2021 le auparon a rector
- Fallece Ángel Colmeiro, neumólogo y destacado dirigente del Sindicato Médico de Asturias (SIMPA)
- La aurora boreal se asoma al cielo asturiano: así se vio (y emocionó) en Covadonga o en Gijón
- El Gobierno se abre a suprimir el peaje de una autopista en Alicante, mientras el Huerna sigue a la espera
- Diez años del asesinato de Isabel Carrasco: las autoras siguen en la cárcel de Asturias (y como reclusas peligrosas)
- Enfermera, trabajo en "peligro de extinción" en Asturias
- Una vida llena de tesón y ganas de salir adelante siempre
