"Cases Tetris", el futuru que se constrúi en Carreño
La empresa Obras & Proyectos utiliza contenedores marítimos pa fabricar viviendes, ximnasios y locales d'hostelería
Nuna dómina en que ta tan de moda la economía circular y la reutilización de productos de toa triba, ye posible qu'hasta los contenedores qu'utilicen los barcos pa tresportar mercancíes atopen un nuevu usu: la construcción de viviendes. Trátase d'aprovechar les estructures d'almacenamientu marítimu como módulos que, combinaos a la manera de les pieces del míticu videoxuegu "Tetris", formen un edificiu a la midida del inquilín o propietariu.
Esto ye a lo que se dedica dende va dos años la empresa Obras & Proyectos, allugada nel polígonu de Prevera, en Carreño. Dientro de la nave, los operarios trabayen les cadarmes de fierro y aceru de los contenedores pa dar forma a la nueva construcción, como si fueren una entemez d'albañiles y escultores.
Les "cases Tetris" o cases-contenedores conformen una tendencia que garra puxu nel sector constructor: viviendes prefabricaes unifamiliares que s'ellaboren con bastante rapidez pa los estándares habituales na edificación residencial. Nos portales inmobiliarios más populares ye cada vez más frecuente atopase con anuncios d'esti tipu de construcciones, y la so demanda aumentó especialmente depués de la pandemia.
Nel branu de 2021, Obras & Proyectos inauguró la so primer casa d'esti tipu nel barriu xixonés de Nuevu Roces. La compañía tien viviendes yá habitaes n'otres zones d'Asturies, y hasta con un ximnasiu-contenedor n'Arroes (Villaviciosa). Agora la empresa tien una cartera de pidíos de 12 construcciones destinaes principalmente a vivienda, pero tamién al sector hosteleru.
"El nuesu sistema evolucionó nestos años, faciendo les viviendes cada vez más eficientes", esplica Paulino Álvarez, director executivu de la empresa, qu'asegura que les cases-contenedor "son ensin duda'l futuru de la construcción y la gran oportunidá pa les nueves xeneraciones d'albañiles".
La vivienda media, con un tamañu d'unos 100 metros cuadraos, tarda unos trés meses en llevantase. Dempués treslládase a la parcela escoyida, onde se monten la fachada y la cubierta. El preciu ta sobre los 150.000 euros.
La mayoría d'empreses utilicen dos tipos de contenedores: los marítimos y los de construcción, ellaboraos por elles mesmes. Los marítimos tienen unes proporciones fixes (6 o 12 metros de llargo y 2,44 d'anchu), polo que, si'l veceru demanda otru tamañu y estructura, la otra opción permite una mayor flexibilidá.
- Demoledor escrito de la Comisión Europea: asegura que la prórroga del peaje del Huerna fue ilegal
- Así será el calendario escolar 2024-2025: mismo día de inicio para todos y tres descansos pedagógicos
- Otro hito para la llegada de los Avril: el primer AVE con pasajeros completa un trayecto Madrid-Asturias
- Las reacciones en Asturias al anuncio de Pedro Sánchez: del "no todo vale" de Barbón, al "victimismo" de Queipo
- El mejor supermercado": el curioso tatuaje que se ha hecho una persona sobre una conocida marca asturiana
- El Principado se compromete a "seguir trabajando para eliminar el peaje" del Huerna y el PP dice que la prórroga "estaba dentro de la legalidad
- Así se enteró Barbón del anuncio de Sánchez: le mandó un mensaje (ni lo leyó) y en Oviedo hablaron sobre su "sufrimiento
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía