Un pitíu que puede salvar munches vides: asina funcionen los detectores de fumo
El conceyu d'Uviéu reparte 330 detectores de fumo en viviendes uvieínes, col focu puestu nos mayores de 65 años
VIDEU: Amor Domínguez/ FOTO: Luisma Murias
Luchi Mayor Foncueva tien 93 años y dende esta selmana los sos güeyos tán puestos nun aparatu circular pequeñu que xixila les emisiones de fumo dende'l techu del pasiellu. "Yo toi bien abondo, cocino poco y nun creo que me pase nada pero parezme bien esta iniciativa", señala esta vecina del barriu de La Vega. Uviéu ye una de les trés ciudaes españoles nes que se van repartir detectores de fumos nun programa de prueba pa evitar víctimes per inhalación en fueos. 330 viviendes de la capital van tener dos d'estos detectores gracies a una acción de la Fundación Mapfre y l'Asociación Profesional de técnicos de Bomberos en collaboración col Conceyu. Ye una iniciativa pionera que se replica n'Alicante y Córdoba. "L'iviernu ye la temporada na que se producen más accidentes porque ye cuando les persones mayores tán más tiempu en casa y usen forniellos o aparatos eléctricos pa calecer", esplica José Ramón Prado, conceyal de Seguridá Ciudadana d'Uviéu.
La metá de los finaos por incendios en llares son mayores de 65 años. N'Asturies l'añu pasáu morrieron seis persones, cinco d'elles yeren mayores d'esa edá y trés finaron na so casa de madrugada. La última víctima ye una muyer octoxenaria que perdió la vida nun accidente en Cangas. Gonzalo Míguez, responsable de Protección Civil d'Uviéu, apunta a dos factores de riesgu : "La edá y l'horariu traenos a la conclusión de que la instalación d'estos detectores podría dar la oportunidá a estes persones de salvase".
Hasta'l momentu yá s'asitiaron una trentena de dispositivos anque l'oxetivu ye entainar el procesu y acabar la campaña nes selmanes qu'entra. "La conceyalía de Polítiques Sociales encargóse d'ellaborar los llistaos coles persones susceptibles de ser beneficiaries d'esti equipamientu y nós encargámonos de llamar y alcordar una cita pa facer la instalación", amiesta Gonzalo Míguez. El detector mánganse en techu con una cinta d'apegar y actúa a manera d'espertador de tala manera que si se xenera fumo emite un soníu estridente que sollerta a los inquilinos de la vivienda. "Ye bonu facer dalguna prueba pa comprobar que funciona correchamente pero en principiu namás habría que camuda-y les piles que tien incluyíes", esplica Francisco Cascón, subinspector de Bomberos d'Uviéu.
La campaña "Pon un detector na to vida", inclúi información sobre cómo actuar en casu de quema. "Ye conveniente nun fumar en casa, non sobrecargar los enchufes, nun dexar comida en fueu y hai que salir de la vivienda pa evitar la inhalación del fumu", detalla el subinspector Cascón. "Espero que seya un ésitu completu y ayude a concenciar a los colectivos más vulnerables de lo necesario que ye saber identificar los riesgos na nuesa redolada y saber reaccionar en casos d'emerxencia. L'oxetivu ye que les viviendes de los uvieínos sían cada vez más segures", aseveran dende el consistoriu. L'oxetivu ye poder ampliar la campaña y aumentar el númberu de detectores.
- Danone y Arias dejan de comprar leche a los ganaderos asturianos
- Un perro en la calzada causa un choque múltiple entre cinco vehículos, con seis heridos, en la Autovía de Siero, a la altura de Amazon
- La opinión del presidente de Alsa Asturias sobre los ataques del ministro Puente a los trenes "low cost" de Ouigo: "Es una pataleta
- Las 400 plazas de médico difíciles de cubrir que traen de cabeza a Asturias
- Esta es la comunidad autónoma más querida por los españoles (y sí, seguro que probaste su comida)
- Se cambia de sexo para intentar evitar la cárcel tras maltratar a su exmujer en Asturias: "Es un caos
- María Jesús Otero, primera condenada del "caso Marea" en lograr la libertad
- Una granizada deja seis heridos al chocar nueve coches en la vertiente leonesa del Huerna
