Estos son los puestos de trabayu más difíciles de cubrir n'Asturies
Les empreses de la rexón tien dificultaes p'atopar dellos perfiles magar los 64.000 paraos, según un informe d'Adecco
Asturies tien 64.229 paraos, según los últimos datos del Ministeriu de Trabayu correspondientes al pasáu mes de xineru, pero hai empreses de la rexón de sectores como la industria, la hostelería o les tecnoloxíes de la información y la comunicación que tienen problemes p'atopar personal cualificáu. Destacalo l'informe "Perfiles más demandaos en 2023" qu'ellaboró la multinacional de recursos humanos Adecco.
L'estudiu señala qu'el 53% de los directores de recursos humanos del país reconocen tener problemes a la de reclutar talentu pa les sos compañíes yá qu'escasien ciertos perfiles cualificaos nel mercáu llaboral que tan mui demandaos. Magar cada comunidá autónoma tien les sos peculiaridaes, hai dellos perfiles que se tán viendo más afectaos por esta estreseca a nivel xeneral. Ye'l casu de los profesionales del ámbitu de les tecnoloxíes de la información y la comunicación (TIC), "que lleven años siendo los puestos más difíciles de cubrir y que la so demanda crez de forma esponencial", señalen fontes d'Adecco.
N'Asturies, esos profesionales de les TIC, principalmente informáticos, tamién son mui demandaos y les empreses tienen dificultaes pa contratalos. Xunto con esos perfiles tecnolóxicos, tamién figuren nel llistáu de los puestos difíciles de cubrir los venceyaos al personal d'hostelería, los operarios industriales especializaos, el personal d'almacén y repartu, los teleoperadores y el personal de centros de servicios pa grandes empreses. L'informe de Adecco señala que la demanda d'estos dos últimos perfiles ye una singularidá d'Asturies al respeutive del mercáu llaboral español.
"N'Asturies los teleoperadores y titulaos universitarios pa centros de servicios compartíos son mui buscaos a lo llargo del añu por cuenta de la creciente presencia nel Principáu de "call centers" (centros de llamaes como los que tienen por casu grandes compañíes como Orange) como d'empreses multinacionales a les que-yos faen falta esos centros de servicios compartíos (como ye'l casu por exemplu de DuPont o d'otres empreses que llegaron con ella como Axalta o Chemours)", señala l'informe d'Adecco "Perfiles más demandaos en 2023".
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Si eres un amante del buen comer, La Chalana te trae algo que te interesa
- El error judicial que deja impunes a ocho "ángeles del infierno" de Asturias tras la gran operación policial contra ellos
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
- Crónica de la jornada en la que Villaverde renovó mandato en la Universidad de Oviedo por seis años: una proclama reiterada y votaciones llamativas en algunos campus
- Barbón, desatado en Ferraz defendiendo a Sánchez: "¡Rebelémonos contra la injusticia!
- El Principado reacciona al informe de la UE sobre el peaje del Huerna: "Es demoledor, los asturianos merecen un respeto
- Primera condena a una residente de un geriátrico público asturiano por golpear a una auxiliar: "Os voy a rajar
