Rafer gana xaciu y premiu coles sos semeyes de nieve

El fotógrafu valdesanu Ramón Fernández, Rafer, ta disfrutando d'un nuevu premiu. El que-y concedió la Federación Española de Profesionales de la Imaxe, na gala del Photoforum Fest de Barcelona, como meyor fotógrafu nacional nel apartáu de Naturaleza. Repite victoria y faelo con una imaxe d'una serie de nieve a la que llegó por descompresión. "La fotografía social, de bodes y eventos, acaba cansando un pocu. Asina que llegó un momentu nel que me facía falta soltar la mente", cunta un profesional que lleva décades afincáu en Xixón. 

Yera iviernu, empezó a dir pelos puertos nevaos y atopó la inspiración. "Vía surdir figures xeométriques, una lluz maraviyoso", y agora "cada vez que llega la nieve yá toi buscando un paisaxe, un momentu, unes lluces, un reflexu, una sensación de vacíu, una composición...", fae. 

La fotografía premiada –tenía más escoyíes pa la final, tamién de nieve– a él tresmíte-y xaciu. "Afitéme nel triángulu y la diagonal que se forma colos trés árboles y esa composición, eses formes xeométriques danme como paz", diz. Ye posible qu'al xuráu tamién.