Argentina Cristóbal, una yogui de 90 años en Lieres: "Ye bono pal cuerpu, pal espíritu y pa la mente"
L'alcalde, Ángel García, que practica esta disciplina davezu, acompaña nuna de les sos clases a la vecina de Feleches, a la que pon como "exemplu" de deportista
Pela izquierda, Carmen Álvarez, Ángel García y Argentina Cristóbal na clase de yoga de les instalaciones municipales de Lieres. / Lucía Rodríguez
Lucía Rodríguez / Sixto Cortina (Traducción)
"¡Ai madre , Carlos! Menuda encerrona". Asina-y fizo esti día Argentina Cristóbal al so profesor, Carlos Ibias, cuando esta activa muyer de 90 años, natural de Feleches, recibió por sorpresa la visita del alcalde de Siero, Ángel García, a les instalaciones municipales de Lieres nes que dos vegaes a la selmana allega a clases de yoga que dependen del Patronatu Deportivu Municipal. Argentina ye la "yogui" más llonxeva de tou'l conceyu. Un esvanecimientu por un problema de tensión féxola entamala con nesta práctica. "Llevo 30 años recibiendo clases. Empecé nes escueles de Feleches porque me lo aconseyó una enfermera del centru de salú de Lieres", fae.
Argentina ta encantada mesmo col so profesor, Carlos Ibias, que con toles sos compañeres. Elles defínenla como "una persona mui vital, mui bona y que siempre ta contenta". Que la edá nun dexa de ser un estáu mental ye daqué que rescampla en cuanto empieza la clase de yoga y la nonaxenaria fai'l "saludu al sol". "Tien una axilidá que yá quixéramos munches con menos años", destaquen les sos compañeres.
De momentu, Argentina cuenta siguir coles sos clases de yoga, a les qu'aporta caminando. "Nun hai que llevar una vida sedentaria. Encamiénto-ylo a tol mundu. "Ye bono pal cuerpu, pal espíritu y pa la mente", avisa. Los sos cinco nietos y el so biznietu tán arguyosos d'ella. "Presumen de la güela con tol mundu y yo dígo-yos que s'animen a venir, pero, ente'l trabayu y los estudios, nun tienen tiempu", sorraya.
Argentina Cristóbal recibió esti día de manes del rexidor y del edil de Deportes, Jesús Abad, una esteriella nueva. Visiblemente emocionada, la muyer solo tenía palabres d'agradecimientu. García, que s'animó a acompañar a la homenaxada na clase de yoga, disciplina que practica davezu, aseguró que "nun queremos namás fomentar el patronatu y les actividaes que llevamos a tolos puntos del conceyu como, nesti casu, a Lieres, sinón poner en valor a esta xente pa la que la edá nun ye torga". "El deporte ye bono a cualquier edá, afayándolu a les condiciones de caún, y Argentina ye un claru exemplu d'ello", concluyó'l rexidor.
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Si eres un amante del buen comer, La Chalana te trae algo que te interesa
- El error judicial que deja impunes a ocho "ángeles del infierno" de Asturias tras la gran operación policial contra ellos
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
- Crónica de la jornada en la que Villaverde renovó mandato en la Universidad de Oviedo por seis años: una proclama reiterada y votaciones llamativas en algunos campus
- Barbón, desatado en Ferraz defendiendo a Sánchez: "¡Rebelémonos contra la injusticia!
- El Principado reacciona al informe de la UE sobre el peaje del Huerna: "Es demoledor, los asturianos merecen un respeto
- Primera condena a una residente de un geriátrico público asturiano por golpear a una auxiliar: "Os voy a rajar
