"Odisea" triunfal del IES Aramo
Trés alumnes ganen la fase asturiana del concursu de cultura clásica y representen a Asturies na final nacional
L'Institutu d'Enseñanza Secundaria (IES) Aramo vuelve alzase col concursu "Odisea" de cultura clásica na so fase rexonal. Celia Moya, Raquel Mayo y Carolina Cortijo, alumnes de primeru de Bachilleratu, componen l'equipu, al que punxeron el nome de "Las Tres Perseidas", que venció nel certame. Ganaron a los ochenta equipos que respondieron a les entrugues plantegaes. Y van ser les representantes d'Asturies na final nacional, na que yá participó'l pasáu cursu l'IES Aramo col equipu formáu por Ignacio Álvarez Mallo, Martín Cortina Recio y Mateo Valdés López, algamando la segunda plaza.
"Nun lo esperábamos", afirma Carolina Cortijo al valorar el resultáu. Agora, a trés díes d'enfrentase a una docena de grupos de toa España –aquellos que quedaron primeros nes fases rexonales d'Odisea–, señalen: "Vamos a por toes". Añeden que tán "nervioses" y centraes na preparación pa la nueva prueba.
El conseyu que-yos da la so profesora de Llatín y Griegu, Victoria Sánchez, ye que "vaigan a les fontes clásiques" y que piensen bien les respuestes. Les trés estudiantes emplegaron en contestar a les cuestiones plantegaes na fase asturiana un total d'once hores y doce segundos, seis minutos menos que'l segundu grupu clasificáu, que ye tamién del centru.
La prueba va realizase nel institutu, al que se van mover representantes de la organización, que cuerre al cargu de les secciones de la Sociedá Española d'Estudios Clásicos y los departamentos de Filoloxía Llatina y Griega de les universidaes andaluces xunto coles asociaciones asturiana Céfiro y catalana APLEC.
Estos últimos díes, de magar se conocieron los resultaos, les alumnes del Aramo dedicáronse a resolver les entrugues que se plantegaron n'otres rexones a aquellos grupos que tuvieron qu'allegar al desempate pa proclamar al ganador de la fase local. "Sabemos que podemos tener entrugues revesoses como les que yá punxeron" na primer prueba, comenten. Pol primer puestu rexonal yá conquistáu van recibir un diploma y 150 euros. Na final nacional va premiarase a los cinco meyores grupos.
- Si eres un amante del buen comer, La Chalana te trae algo que te interesa
- El hombre del insulto viral ("por siete votos...") a Sánchez en Oviedo se gasta 2.000 euros al mes en seguirlo para protestar: "Soy de centro y fui amigo de Abascal, aunque me distancié
- El error judicial que deja impunes a ocho "ángeles del infierno" de Asturias tras la gran operación policial contra ellos
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
- Barbón, desatado en Ferraz defendiendo a Sánchez: "¡Rebelémonos contra la injusticia!
- Crónica de la jornada en la que Villaverde renovó mandato en la Universidad de Oviedo por seis años: una proclama reiterada y votaciones llamativas en algunos campus
- El Principado reacciona al informe de la UE sobre el peaje del Huerna: "Es demoledor, los asturianos merecen un respeto
- Primera condena a una residente de un geriátrico público asturiano por golpear a una auxiliar: "Os voy a rajar