Avilés capta residentes d'otros conceyos y provincies col so plan d'arriendos
La media d'edá de los inquilinos ye de 35 años y los precios anden ente los 300 y los 500 euros
Les rentes nos pisos del programa municipal Avilés Alquila tán ente los 300 euros en barrios como Cristalería, Valliniellu y El Pozón y los 500 en Sabugo, El Quirinal y San Cristóbal ente otros allugamientos. No que va de 2024 yá se firmaron 28 contratos, la metá de los inquilinos tienen menos de 35 años y el 40% son d'otros conceyos y tamién d'otres comunidaes autónomes, y a el 71,4% nun-y fixo falta avalistes pa roblar el contratu.
El programa Avilés Alquila, que xestiona la Oficina de Vivienda d'Avilés entamó en 2012 pero ensin ésitu. Nel anterior mandatu, el gobiernu local decidió apostar pola collaboración público-privada y actualizar les condiciones de los contratos con dellos oxetivos. Ún, facilitar que viviendes privaes que tean vacíes s'incorporen al mercáu del arriendu al traviés d'un sistema de garantíes pa los sos propietarios, como asegurar el cobru del alquiler. Dos, ufiertar precios algamadizos y otres ventayes pa los qu'arrienden. Y terceru, facilitar l'atracción de población al conceyu.
Pa impulsar el proyectu buscóse la collaboración d'inmobiliaries de la ciudá, de manera tala que se punxera en marcha un modelu de dinamización y xestión de la ufierta y la demanda de vivienda. Estes axencies anuncien les viviendes, coles condiciones y fotografíes, nel portal web habilitáu na páxina del propiu Conceyu. Amás, esiste un conveniu de collaboración cola Cámara de Comerciu d'Avilés pa facilitar la mediación nel casu de que surda dalgún conflictu.
Los datos indiquen que nos dos últimos años el sistema avanza hacia'l so afitamientu.
Nel primer trimestre del añu pasáu firmárense 10 contratos, y cerróse l'exerciciu con un total de 58. Nesti primer trimestre yá se cerraron 28, lo que fai prever que los resultaos a final d'añu sían meyores que los de 2023, según indicaron dende la conceyalía de Vivienda.
Más datos. Una parte de los 28 contratos roblaos no que va d'añu foi con persones procedentes d'otros conceyos y comunidaes. En concretu, de Castrillón, Corvera, Gozón, Cangas, Uviéu, Xixón, Valdés, Pontevedra y Madrid.
El arrendatariu más mozu tien 23 años, y el mayor, 81. La edá media ye de 35 años. La media del arriendu ye de 429 euros, más de la metá disponen d'ascensor y la superficie de les viviendes ta ente 60 y 70 metros cuadraos.
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Si eres un amante del buen comer, La Chalana te trae algo que te interesa
- El error judicial que deja impunes a ocho "ángeles del infierno" de Asturias tras la gran operación policial contra ellos
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
- Crónica de la jornada en la que Villaverde renovó mandato en la Universidad de Oviedo por seis años: una proclama reiterada y votaciones llamativas en algunos campus
- Barbón, desatado en Ferraz defendiendo a Sánchez: "¡Rebelémonos contra la injusticia!
- El Principado reacciona al informe de la UE sobre el peaje del Huerna: "Es demoledor, los asturianos merecen un respeto
- Primera condena a una residente de un geriátrico público asturiano por golpear a una auxiliar: "Os voy a rajar