Desorientación y calzáu poco amañosu: les principales causes de los rescates en monte, que n'Asturies aumentaron un 60% en cinco años
Les intervenciones por escursionistes en problemes aumentaron depués de la pandemia y pasen principalmente nos meses de branu y nos Picos d'Europa
Los rescates en monte crecen d'añu n'añu. El Serviciu d'Emerxencies del Principáu (Sepa) incrementa cada temporada braniega les salíes, principalmente p'ayudar a escursionistes en problemes. Ello ye que nos meses de xunetu y agostu prodúcense de media 20 intervenciones mensuales y los Picos d'Europa suelen ser l'escenariu de les actuaciones. El fin de la pandemia incrementó les salíes al monte. Ello ye que'l Sepa comprobó que la mayor xubida na cifra de rescates producióse ente 2020 y 2021, depués del mayor picu d'incidencia de la pandemia. Con too y con ello, esta medría afitóse, una y bona l'exerciciu pasáu'l númberu de rescates en montaña aumentó un 14% al respeutive del añu anterior.
Les imprudencies o la mala preparación de les escursiones tán ente les causes qu'espliquen la cifra de rescates, sostien el Sepa . “Les mancadures nos miembros inferiores de los escursionistes, relacionaes davezu col usu d'un calzáu poco amañosu, provoquen la mayor parte de les intervenciones”, aseguró la Conseyería de Presidencia nel marcu del IV Alcuentru de profesionales de la montaña que se celebró va unos díes nes instalaciones de Llamorgal (Llanera ), na sede del Sepa. Tamién les desorientaciones per parte de los senderistes, por cambios nes condiciones meteorolóxiques (como la irrupción de la borrina), o les situaciones nes que los escursionistes queden atrapaos nuna zona mui pindia de la que nun son quien a salir, son motivos frecuentes de los rescates.
“Estes cifres asítiennos delantre d'una realidá: l'atractivu del monte asturianu como sitiu de recréu y d'actividaes deportives ye creciente, la demanda d'atención por parte de la ciudadanía va siguir n'aumentu y, anque la mayor parte de los rescates prodúcense por mor de mancadures leves, tenemos d'atendeles coles meyores garantíes y tar preparaos pa intervenir énte cualquier situación”, dixo la conseyera de Presidencia, Rita Camblor.
La Conseyera recalcó la importancia de la prevención, preparación, coordinación, seguridá, práctica y evaluación de los resultaos pa encarar estes situaciones. “Toes elles cónstame que memo'l Sepa como'l restu de cuerpos que dan el so sofitu nes emerxencies faense con absolutu rigor y profesionalidá”.
- Demoledor escrito de la Comisión Europea: asegura que la prórroga del peaje del Huerna fue ilegal
- Así será el calendario escolar 2024-2025: mismo día de inicio para todos y tres descansos pedagógicos
- Otro hito para la llegada de los Avril: el primer AVE con pasajeros completa un trayecto Madrid-Asturias
- Las reacciones en Asturias al anuncio de Pedro Sánchez: del "no todo vale" de Barbón, al "victimismo" de Queipo
- El mejor supermercado": el curioso tatuaje que se ha hecho una persona sobre una conocida marca asturiana
- El Principado se compromete a "seguir trabajando para eliminar el peaje" del Huerna y el PP dice que la prórroga "estaba dentro de la legalidad
- Así se enteró Barbón del anuncio de Sánchez: le mandó un mensaje (ni lo leyó) y en Oviedo hablaron sobre su "sufrimiento
- Novedades en la obra del nudo de Serín: así queda la circulación
