Asina foi la meyora del usu del asturianu nes ciudaes de la rexón, según una encuesta
La conocencia de la llingua crez en 18 puntos en trenta años, y tien más penetración n'Avilés qu'en Xixón y Uviéu
Xosé Antón González Riaño (izquierda) y Francisco Llera Ramo, presentando la encuesta. / LUISMA MURIAS
"Hai una meyora indiscutible y oxetiva na conocencia del asturianu nel área metropolitana". Esta ye la conclusión de Francisco Llera Ramo, catedráticu de Ciencia Política de la Universidá del País Vascu, énte los resultaos preliminares de la encuesta "Conocencia del asturianu nos ámbitos urbanos. Uviéu, Xixón y Avilés", impulsada pola Academia de la Llingua Asturiana y presentada esti día, nun actu encabezáu pol presidente de la institución, Xosé Antón González Riaño.
La encuesta, realizada pol equipu ASEP del que forma parte Llera, fíxose a partir d'entrevistes con 500 individuos mayores de 16 años, escoyíos según el so llugar de residencia en proporción a la población de les trés ciudaes (en concretu fueron 192 d'Uviéu, 240 de Xixón y 68 d'Avilés), y con un porcentaxe d'erru valoráu en 4 puntos porcentuales.
Na so primer parte, la encuesta toma la forma d'un test de conocencia de la llingua, que permite a los investigadores concretar la meyora de la conocencia del asturianu nestes zones urbanes al enfrentar los datos a los de la primer Encuesta Sociollingüística d'Asturies, realizada en 1991. Llera señala qu'al comparar los resultaos de dambes, con test mui asemeyaos, conséñase esa meyora de la llingua, que puede cifrase nunos 18 puntos porcentuales de media ente los distintos apartaos. Ello ye que'l 49,4% de los encuestaos tendría un nivel altu (22,6%) o aceptable (26,8%) de maña llingüística n'asturianu. Un aspeutu llamativu ye qu'en prácticamente tolos apartaos del test, Avilés rexistra meyores resultaos que les otres dos grandes ciudaes, daqué qu'a xuiciu de Llera puede debese a dellos factores como los niveles d'escolarización o la mayor cohesión social d'una ciudá más pequeña.
La segunda parte de la encuesta, más suxetiva, trata d'asitiar la postura de los encuestaos en cuestiones como la situación del asturianu dientro de los programes escolares o el futuru llingüísticu de la rexón. Llera precisa que nun s'entrugó pola oficialidá yá que eso condicionaría los resultaos. La encuesta rescampla consensos elevaos nel sofitu a la presencia del asturianu nes escueles (un 89,2% sofita que s'incluya nos planes d'estudiu, bien como asignatura normal bien como una de calter cultural), y en garantizar l'usu futuru de la llingua (el 69,4% quedría que toos aquellos que quieran tean en disposición d'usalu, y otru 26% quedría que tolos asturianos sían billingües n'asturianu y español). Amás, siete de cada diez encuestaos reclama un tratu institucional pal asturianu análogu al que tienen les otres llingües rexonales reconocíes n'España.
- Una tormenta solar traslada las auroras boreales a Asturias: así fue la espectacular imagen que pintó los cielos de varias regiones españolas
- Viajar en tren la tarde del viernes desde Madrid a Asturias, misión imposible
- El "reseteo" de Ignacio Villaverde: fulmina de su equipo a los aliados que en 2021 le auparon a rector
- Fallece Ángel Colmeiro, neumólogo y destacado dirigente del Sindicato Médico de Asturias (SIMPA)
- Lastra forzó "el paso al frente" de Barbón sobre su futuro para evitar "la única oportunidad del PP
- La aurora boreal se asoma al cielo asturiano: así se vio (y emocionó) en Covadonga o en Gijón
- El Gobierno se abre a suprimir el peaje de una autopista en Alicante, mientras el Huerna sigue a la espera
- Diez años del asesinato de Isabel Carrasco: las autoras siguen en la cárcel de Asturias (y como reclusas peligrosas)
