Estraordinaria ayalga atopada en Villaviciosa: recuperen dos bloques d'arenisca con riegos d'invertebraos xurásicos
Les buelgues, alcontraes en Quintes y de fai cuasi 152 millones d'años, taríen causaes por viérbenes o crustáceos al movese p'atrapar los nutrientes ente'l sable y la llama
Extraordinario hallazgo en Villaviciosa: recuperan dos bloques con galerías de invertebrados del jurásico / Alicia García-Ovies
L'equipu científicu del Muséu del Xurásicu d'Asturies (MUJA) recuperó esti día dos grandes bloques d'arenisca con una antigüedá de 152 millones d'años y que na so superficie teníen grabaos unos riegos de viérbenes o pequeños crustáceos que se cree que dexaron la so buelga nes galeríes o madrigueres que realizaben pa movese a la busca de nutrientes ente'l sable y la llama. Les pieces atopábense nos cantiles de playa España, en Quintes, y pa la so recuperación fixo falta una actuación importante de parte de Protección Civil.
Les galeríes d'invertebraos xurásicos sobre les superficies de dambos bloques d'arenisca enseñen delles madrigueres con forma de ‘u’, trazáu irregular, "disposición horizontal a subhorizontal y ornamentación tresversal que podríen tar feches por un viérbene o un crustáceu pequeñu asemeyáu a una esguila al tiempu que se movía p'atrapar los nutrientes qu'hai ente'l sable y la llama”. Asina lo esplicó esti miércoles pasáu'l xeólogu José Carlos García-Ramos, encargáu del proyectu al par de la so compañera Laura Piñuela.
Esti tipu d'estructures atopaes en Quintes llámense ‘Rhizocorallium’ y suelen atopase n'ambientes mariniegos y marinos de poca fondura. Nel casu d'estes de Villaviciosa tienen, amás, “muncha densidá y tán nun gran estáu de caltenimientu". "Exemplares como estos hai bien pocos nel mundu”, señalóse'l miércoles pasáu. P'asegurar la integridá de dambos bloques fixo falta entamar un llabor milimétricu de recuperación, dirixíu polos hermanos Teodoro y Gerardo Morréis, integrantes de Protección Civil. Les pieces fueron primeramente protexíes por delles capes de redes y pa sacales del cantil utilizóse una escavadora.
“Hai que reconocer el gran llabor de tou l'equipu que trabayó xuníu pa llegar a un momentu tan emocionante y maraviyosu como ye rescatar de la naturaleza aquello que la naturaleza dexó ehí a lo llargo de tantos años”, destacó la conseyera de Cultura, Berta Piñán.
Los bloques recuperaos del cantil vienen de la mesma capa perteneciente a la formación Llastres del xurásicu cimeru y amuesen na superficie ondulaciones debíes al folaxe de la dómina, qu'afectaba a los sedimentos acumulaos nel antiguu delta.
Los llabores de recuperación siguiólos bien de cerca'l conceyal de Villaviciosa Marcos Ortiz y l'alcaldesa de Colunga, Sandra Cuesta. Na redolada atopáronse amás buelgues de dinosaurios carnívoros, munches d'elles de pequeñes dimensiones y conocíes col nome científicu de ‘Grallator’.
- Mañana se esperan colas kilométricas en Lidl para hacerse con el set de cuencos de acero inoxidable más barato del mercado: disponible por menos de 5 euros
- Tráfico endurece la ITV: vehículos con más de 10 años deberán pasar ahora la inspección semestralmente
- Mañana se esperan colas kilométricas en Lidl para hacerse con la alfombra antideslizante más barata del mercado: disponible por menos de 10 euros
- Muere un hombre de 60 años y resulta herida su mujer tras caer con su coche por un desnivel en Belmonte y quedar atrapados
- El fallecido en el cabo Vidio, un conocido vecino de Pravia, conductor del Principado, que practicaba atletismo, ciclismo y rally
- Mañana se esperan colas kilométricas en Lidl para conseguir el juego de cuchillos de acero inoxidable más barato del mercado: fácil manejo y afilado duradero
- Un empresario asturiano ofrece ayuda para evitar el desahucio de una mujer y su hija en La Corredoria
- El imparable desarrollo del 'octavo concejo' de Asturias que ya roza los 20.000 habitantes, más que Villaviciosa o Llanera
