El Festival de Música Antigua desembarca "ensin barreres estilístiques nin cronolóxiques"
Les "Resonancies Romániques" con conciertos n'ilesies rurales van ser una nueva apuesta
Montserrat López Moro y Eduardo G. Salueña, nel Antiguu Institutu. / Sergio García
"Un repertoriu que trescala cualquier barrera estilística y cronolóxica". Con esi espíritu y eses claves llega una nueva edición del Festival de Música Antigua de Xixón, una de les grandes cites musicales del branu asturianu, como afirmó esti día Eduardo García Salueña, responsable del Taller de Músicos de la Fundación Municipal de Cultura. La cita va celebrase del 1 al 9 de xunetu na ciudá y una de les sos grandes apuestes ye'l programa "Resonancies Romániques", con conciertos mañaneros nes ilesies de San Andrés de Ciares. San Vicente de Caldones y Santu Tomás de Granda. "Buscamos una esperiencia más contemplativa y sensorial", esplicó García Salueña.
Na programación, Salueña destacó l'estrenu absolutu de "El violín de Farinelli" con Jorge Jiménez y Tercia Realidad o les cantates de Bach que van brindar Carlos Mena y la "Bachcelona Akademie".
Tamién va actuar nel Festival "Orquesta Andalusí del Mediterráneo" o el "Coru Sidney Sussex College de Cambridge". La presencia internacional sobresal como otru de los atractivos del festival. La ufierta complétase con conferencies como les protagonizaes por María "La Balteira" o Cristina Alís Raurich, según con cursos y talleres.
La conceyala de Foro Montserrat López Moro, que va asumir la conceyalía de Cultura nel nuevu equipu municipal qu'encabeza Carmen Moriyón, agradeció el "entusiasmu" del Taller de Músicos pa impulsar el festival, que "va averar a la ciudadanía la riqueza y variedá de la música antigua". El sábadu 1 de xunetu, l'Antiguu Institutu va acoyer a les 20.00 hores el conciertu d'apertura, al cargu de "Delirivm Musica". La clausura va ser nel teatru Xovellanos, el 9 de xunetu a les 20.30 hores, con "Nao d’Amores" y el so propuesta "Misteriu del Cristu de los Gascones", que va poner el ramu a un festival onde va coyer el cantu gregorianu o l'organetto, ente otres versiones.
Mentanto, el 15 y 16 de xunetu'l protagonismu tienlu'l concursu de vídeos de música antigua, lo que llevó a López Moro a valorar del Festival la so "compatibilidá" coles nueves tecnoloxíes y canales d'espardimientu.
- Una tormenta solar traslada las auroras boreales a Asturias: así fue la espectacular imagen que pintó los cielos de varias regiones españolas
- Viajar en tren la tarde del viernes desde Madrid a Asturias, misión imposible
- El "reseteo" de Ignacio Villaverde: fulmina de su equipo a los aliados que en 2021 le auparon a rector
- Fallece Ángel Colmeiro, neumólogo y destacado dirigente del Sindicato Médico de Asturias (SIMPA)
- Lastra forzó "el paso al frente" de Barbón sobre su futuro para evitar "la única oportunidad del PP
- La aurora boreal se asoma al cielo asturiano: así se vio (y emocionó) en Covadonga o en Gijón
- El Gobierno se abre a suprimir el peaje de una autopista en Alicante, mientras el Huerna sigue a la espera
- Diez años del asesinato de Isabel Carrasco: las autoras siguen en la cárcel de Asturias (y como reclusas peligrosas)
