Asturies cerró 2023 cola cifra de nacencies más baxa de la hestoria
La mortalidá cai a niveles d'enantes del covid, pero la diferencia ente partos y muertes entá resta 8.370 habitantes, 23 al día
El zarru de 2023 confirmó esti día l'afayu d'un nuevu suelu históricu pal númberu de nacencies n'Asturies. Los 4.587 contabilizaos pola Sociedá Asturiana d'Estudios Económicos ya Industriales (Sadei) vienen confirmar una cayida constante y sostenío dende 2011, con un levísimu repique en 2021, y l'encadenamientu de cuatro exercicios consecutivos per debaxo y cada vez más llueñe de los 5.000 partos añales. La cifra que certifica la llaceria de la demografía asturiana ya identifica'l so principal talón d'Aquiles sal a una media escasa de doce nacimientos al día, ún cada dos hores, y cuenta 157 menos qu'en 2022, 3.600 per debaxo del balance de nun va tanto, en 2008, cuando la serie recién punxo'l tope en 8.221.
L'efectu demográficu d'esta cuesta abaxo namás salva mínimamente los muebles gracies a la contención de los fallecimientos, que baxen de 13.000 per primer vegada dende enantes de la pandemia (2019) y marquen un rexistru de 12.957 qu'amenorga en mil los computaos al zarru de 2022 y modera significativamente la perda de población por motivos vexetativos, o pola mera diferencia ente nacencies y fallecimientos y primero de cuntar l'efectu corrector de los intercambios migratorios.
Anque tán cerca, les muertes nun lleguen del tou a triplicar a les nacencies –como pasó en 2020–, pero de la resta sal una mengua de 8.370 habitantes, a razón d'un promediu inda inasumible de 23 al día que gracies a la contención de la mortalidá ta bien llueñe de ser el más bultable de la serie: ta per debaxo de los sos trés precedentes más inmediatos, los del trieniu cimeru del covid, colos sos recuentos de fallecimientos disparaos. La fienda ente les entraes y salíes del censu por motivos naturales alza, sicasí, toles d'enantes de la pandemia y d'eso son principales responsables los recuentos menguantes de nacencies. N'Asturies, ello ye, entá nacíen mil neños más al añu en 2015.
- Demoledor escrito de la Comisión Europea: asegura que la prórroga del peaje del Huerna fue ilegal
- Así será el calendario escolar 2024-2025 en Asturias: mismo día de inicio para todos y tres descansos pedagógicos
- Si eres un amante del buen comer, La Chalana te trae algo que te interesa
- El hombre del insulto viral ("por siete votos...") a Sánchez en Oviedo se gasta 2.000 euros al mes en seguirlo para protestar: "Soy de centro y fui amigo de Abascal, aunque me distancié
- Otro hito para la llegada de los Avril: el primer AVE con pasajeros completa un trayecto Madrid-Asturias en el que "se va muy bien
- Las reacciones en Asturias al anuncio de Pedro Sánchez: del "no todo vale" de Barbón, al "victimismo" de Queipo
- El mejor supermercado": el curioso tatuaje que se ha hecho una persona sobre una conocida marca asturiana
- El Principado se compromete a "seguir trabajando para eliminar el peaje" del Huerna y el PP dice que la prórroga "estaba dentro de la legalidad