Somiedu celebrará, el 9 de marzu, una xornada de cine y poesía de muyeres asturianes

La Pola (Somiedu) va celebrar el día 9 de marzu, con motivu del Día Internacional de la Muyer, una xornada de cine documental y poesía de creadores residentes n'Asturies. L'eventu, que va empezar a los once de la mañana nel Centru d'Interpretación de la capital somedana, cuenta cola participación de Marta Fernández, Lía Lugilde, Sonia Carvajal y Laura Uría. "Ye un día pa celebrar el llabor de les muyeres nel cine y na poesía, nuna redolada rural inigualable", señalen dende la organización.

La cita va sirvir tamién pa presentar l'asociación ARAS, un nuevu colectivu que surde coles mires de dignificar la vida nel mundu rural. De tarde, a partir de les cinco, va haber un recital musicáu nel Agro Chigre sol títulu "Nacida de la sombra".