Xugar a ser una superwoman que llucha contra'l machismu
Dos alumnes del Institutu Númberu 5 d'Avilés creen un videoxuegu con una superheroína de protagonsita
Marina Suárez Jiménez y Carmen Pérez Álvarez son estudiantes de 4u d'ESO del institutu Númberu 5 d'Avilés. El so profesor de Matemátiques, Primi Abella, propunxo crea-yos un videoxuegu pa practicar la suma de vectores y de la mesma aprender a programar. "Va tiempu fixi un xuegu pa esto mesmo que se llamaba ‘Superman y la puerta interestelar’ pero tratábase de facer una versión distinta", indica Abella. Efectivamente, dambes alumnes decidieron da-y una vuelta a esa idea y crearon a "Superwoman" pa lluchar contra'l machismu, concenciaes con esta problemática social y los sos efectos, sobremanera, ente los mozos. "El machismu sigue ehí y ye importante que se fale d'eso, ye una inxusticia qu'haya discriminación llaboral, salarial y tamién social", señalen les moces estudiantes que presentaron va unos díes el so videoxuegu antimachista con motivu del 8M. Tamién van publicar un artículu coles sos reflexones al respeutu na revista del centru del Tercer trimestre.
El mecanismu del xuegu ye cenciellu, ye cosa de mover los vectores por qu'esa "Superwoman" avance hasta topetar contra un "símbolu machista" que, nesti casu, ye un círculu coloráu que guarda nel so interior a una muyer tachada. El videoxuegu ta basáu en técniques de los "años ochenta", detalla Primi Abella. Suárez y Pérez crearon "Superwoman contra'l machismu" tou dafechu. La primera encargóse de los dibuxos ayudada pol profesor de Plástica, Ruma Barbero, y Pérez de dar les ordes y crear los "botones" que permiten el funcionamientu del xuegu "que sirve p'aprender, concenciar y disfrutar y tamién visibilizar esti problema".
Les alumnes coinciden en que la sociedá tien d'avanzar dende les aules nel campu de la igualdá y dexar claro que "feminismu nun ye superioridá de les muyeres, sinón que defende la igualdá".
"El xuegu ye un xeitu orixinal de concenciar sobre un problema, munches vegaes programen charres y l'alumnáu nun atiende", apunten dambes, qu'inciden na importancia d'asitiar valores sociales p'acabar cola violencia de xéneru, ente otros detalles.
Depués de diez intentos, depués de diez movimientos de los vectores bien executaos, na pantalla del ordenador apruz un rótulu: "Yes una superwoman".
- Demoledor escrito de la Comisión Europea: asegura que la prórroga del peaje del Huerna fue ilegal
- Así será el calendario escolar 2024-2025 en Asturias: mismo día de inicio para todos y tres descansos pedagógicos
- Si eres un amante del buen comer, La Chalana te trae algo que te interesa
- Otro hito para la llegada de los Avril: el primer AVE con pasajeros completa un trayecto Madrid-Asturias en el que "se va muy bien
- Las reacciones en Asturias al anuncio de Pedro Sánchez: del "no todo vale" de Barbón, al "victimismo" de Queipo
- El mejor supermercado": el curioso tatuaje que se ha hecho una persona sobre una conocida marca asturiana
- El Principado se compromete a "seguir trabajando para eliminar el peaje" del Huerna y el PP dice que la prórroga "estaba dentro de la legalidad
- El error judicial que deja impunes a ocho "ángeles del infierno" de Asturias tras la gran operación policial contra ellos