Román Torre presenta'l so trabayu "Paisajes respirados" nel Antiguu Institutu

Un trabayu audiovisual con testimonios de xixoneses, ensin llegar a ser un documental, pa preguntar pola calidá del aire de Xixón. "Quedó una especie de colax, nel que se respuende a unes diez preguntes rellacionaes cola calidá del aire. Como ye un alderique qu'hai na ciudá, entós damos la opción a la xente de falar sobre'l tema", cuenta Román Torre, artista y tamién activista, que presentó esti día la so amuesa "Paisajes respirados" nel Antiguu Institutu. 

"Nun buscaba que tuviera un toque artísticu, nin tampoco filu argumental. Nin siquier salí nunca con una cámara a grabar, pero quería pregunta-yos a once families de distintes zones de Xixón, de Llaviada, El Cotu, l'avenida de Castiella, del centru, El Cerilleru, Xove o La Calzada, sobre cómo lu víen", cunta Torre, enantes d'amestar: "Nun quiero sacar nenguna conclusión, pero resulta interesante que naide sabe lo que son los protocolos anticontaminación". La muestra podrá visitase na sala 1 del Antiguu Institutu hasta'l 19 d'abril.