Hacia un "Parque Tecnolóxicu Residuu Cero" en Llanera: asina ye'l retu pa llograr ser el primeru
El complexu, que trabaya con Cogersa na adopción de les midíes, cuenta con distinta infraestructura pal reciclaxe, ente la qu'hai un minipuntu llimpiu onde se depositaron, por casu, 16,4 kilos de bombilles en 2023
Vista parcial del Parque Tecnolóxicu d'Asturies. / LNE
Un "Parque Tecnolóxicu Residuu Cero" ye'l nome que lleva'l proyectu del Parque Tecnolóxicu d'Asturies, en Llanera, pa ser un espaciu que dixebre y recicle tolo posible. Ente los últimos datos d'esta iniciativa, los responsables del complexu señalen que nel minipuntu llimpiu del área empresarial, asitiáu na cai Ablanal, ente los edificios de Flúor y la Fundación Idonial, los trabayadores depositaron 16,4 kilos de bombilles en 2023.
El parque quier ser el primeru del so tipu n'algamar el retu del residuu cero ,"oxetivu que nun podemos llograr ensin la voluntá de toles partes implicaes: trabayadores, empreses, servicios de llimpieza y serviciu de recoyida". "Y pa ello, apurrimos la infraestructura pa dixebrar y retirar los residuos y afalar acciones por qu'empreses y trabayadores s'avecen a realizar la separación de residuos pal so recicláu", espliquen los sos responsables, que tamién dan detalle de cuántu bien se fai al reciclar materiales como los de les bombilles.
"La estracción de recursos naturales como'l vidriu, el metal y el mercuriu (presente en delles bombilles) pue ser costosa y tener un impactu ambiental significativu. Al reciclar bombilles amenorga la demanda d'estos recursos, ayudando a caltener el mediu ambiente y apangar l'escosamientu de recursos non anovables", señalen.
Si les bombilles se tiren de forma incorrecta, amiesten, "pueden terminar en vertederos, contaminando'l suelu y les agües soterrañes". "El reciclaxe evita esti problema y asegura que los materiales se treten d'un xeitu responsable. Pa la producción de nueves bombilles fai falta un consumu considerable d'enerxía y xenera emisiones de gases d'efectu invernaderu. El reciclaxe amenorga la necesidá de fabricar nueves bombilles, lo que se traduz nun menor consumu d'enerxía y una menor emisión de gases contaminantes", describe la información sobre'l proyectu del Parque Tecnolóxicu.
El Parque Tecnolóxicu d'Asturies salía d'una producción de residuos d'unes 220 tonelaes, de les que namás el 20% se posaben en contenedores específicos pal so reciclaxe. Cola adopción de les midíes afayadices, la recoyida separada podría crecer hasta'l 60% y con esi retu collabórase dende va años con Cogersa "na realización de delles acciones destinaes a favorecer la recoyida separada de residuos y amenorgar la cantidá depositada na bolsa negra o residuu mestu”.
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Si eres un amante del buen comer, La Chalana te trae algo que te interesa
- El error judicial que deja impunes a ocho "ángeles del infierno" de Asturias tras la gran operación policial contra ellos
- El peaje del Huerna se prorrogó para obtener más dinero: LA NUEVA ESPAÑA desgrana el dictamen de la UE que pone en entredicho la tasa de la autovía
- Crónica de la jornada en la que Villaverde renovó mandato en la Universidad de Oviedo por seis años: una proclama reiterada y votaciones llamativas en algunos campus
- Barbón, desatado en Ferraz defendiendo a Sánchez: "¡Rebelémonos contra la injusticia!
- El Principado reacciona al informe de la UE sobre el peaje del Huerna: "Es demoledor, los asturianos merecen un respeto
- Primera condena a una residente de un geriátrico público asturiano por golpear a una auxiliar: "Os voy a rajar
