La memoria documental de Bateríes yá ta al abellugu nel Archivu Históricu
L'axencia estatal Sepides apurrió pal so caltenimientu 1.014 planos orixinales y un fondu compuestu por 2.752 copies dixitales
Dempués de recuperar y clasificar los fondos documentales d'Ensidesa atopaos en bateríes de coque, l'axencia estatal Sepides –responsable del procesu entamáu pa valtar la coquería– fixo entrega efectiva de tou esi material al Archivu Históricu d'Asturies, que s'encargó d'esaminar y escoyer cada documentu pa caltener aquellos que resulten especialmente relevantes o interesantes pa la memoria y hestoria del emblemáticu conxuntu industrial.
El fondu documental d'Ensidesa tien dende agora una gran cantidá de nuevos documentos, fotografíes y material diverso que s'atopaba repartíu en numberoses dependencies de les bateríes de coque d'Avilés. Asina, Sepides realizó la entrega física de 1.014 planos orixinales nes instalaciones del Archivu Históricu d'Asturies, amás d'un discu duru esternu con 2.752 planos dixitalizaos, dando cumplimientu al requerimientu de depósitu y collaboración alcordáu pol Conseyu de Patrimoniu Cultural d'Asturies.
Según una vocera de la sociedá Sepides, "la estraordinaria collaboración ente entidaes y l'asesoramientu del Archivu Históricu nel control y siguimientu de les directrices técniques, na dixitalización y destrucción de la documentación irrelevante y la so supervisión a lo llargo de tol procesu foi clave na recuperación definitiva de la documentación y la culminación del procesu". Pa rematar los trabayos d'organización de tola documentación recoyida nes instalaciones, contratóse por parte de Sepides a la empresa Siegrist Documentación, cumpliéndose en tiempu y forma y ensin incidencies el trespasu y el trabayu alcordáu.
Anguaño, n'España hai inventariaos cien elementos de patrimoniu industrial, nueve d'ellos n'Asturies: el conxuntu industrial d'Ensidesa, la estación del Norte de Xixón, la fábrica de sidra El Gaiteru, la fábrica d'armes d'Uviéu, en La Vega; la fábrica d'armes de Trubia, el paisaxe mineru del valle de Turón, el paisaxe mineru y la fábrica de cinc d'Arnáu, el pozu Sotón y el saltu y la central hidroeléctrica de Grandas de Salime.
Adicionalmente a la documentación, Sepides fixo entrega d'una tarxeta de memoria en formatu dixital por que'l documental "La Fabricona" forme parte, ensin llimitación de tiempu, del material audiovisual del Archivu Históricu d'Asturies; esta película sirve d'homenaxe a les antigües bateríes de coque, al conxuntu de la siderurxa y a la ciudá d'Avilés.
- Los descendientes de emigrantes asturianos de estos países cada vez piden más regresar (y sí, quizás sean los que te imaginas)
- La aurora boreal se asoma al cielo asturiano: así se vio (y emocionó)
- El nuevo destino de playa al que ya puedes llegar volando directamente desde el aeropuerto de Asturias: "Estamos muy contentos
- Fracaso de la oferta MIR de Familia : plazas desiertas en estos dos grandes concejos
- Diez años del asesinato de Isabel Carrasco: las autoras siguen en la cárcel de Asturias (y como reclusas peligrosas)
- Una vida llena de tesón y ganas de salir adelante siempre
- La Guardia Civil, en su 180.º aniversario: “Toda la zona rural de Asturias está razonablemente cubierta; no vamos a dejar en la estacada a nadie”
- La nueva ley de proyectos estratégicos que prepara el Principado y que podría tener consecuencias para la llegada de nuevas inversiones