Los alumnos del Asturies faen so "cole" verde y afayaízu
El centru xixonés fomenta’l "respetu al mediu ambiente" col so particular güertu y xardín: "La nuesa ensalada va ser la más rica del mundu"
"Esa cubetina cola tierra vas llevala xunto al bancu, que vamos semar grana", diz-y Loli Fernández, direutora del colexu Asturies, al alumnu Enzo Prieto, que paez el más preparáu de los horticultores. Podría dicise que'l centru xixonés del barriu del Polígonu "cultiva" el so aprendizaxe. "Faigo’l mio cole afayaízu" se llama un proyeutu gracies al que l'Asturies camudó nun güertu, combináu con xardín, que nun dexa d’espolletar. Ye una collaboración col conceyu, que pon el so granín d'arena (o de tierra) por que la iniciativa salga alantre.
Asegura Loli Fernández qu'esto ye "un trabayu hacia fuera y hacia nós". L'aprendizaxe-serviciu sobrevuela una propuesta que tamién camina nel sen d’algamar los oxetivos de desenvolvimientu sostenible. "Tenemos que curiar el planeta", recalca la direutora del colexu Asturies. Pal güertu, por casu, un garaxe cooperó apurriendo los neumáticos sobre los que llantar. El profesoráu encargóse de pintalos pa da-y coloríu al espaciu. Mientres, la tierra corrió a cargu del Serviciu de Parques y Xardinos municipal. Amás, el centru pidió l'ayuda del barriu pa donar plantes. L'acoyida del alumnáu, sorraya Fernández, foi perbona. "Mátense por garrar les ferramientes", ri. El proyeutu ta dirixíu, principalmente, a estudiantes de quintu y sestu de Primaria, anque’l güertu ta abiertu a la participación del que lo quiera.
La mirada ta puesta nos frutos que va dar el proyeutu. "Van plantase llechugues y esa ensalada va ser la más rica del mundu con diferencia", apunta Loli Fernández, que recalca que'l güertu garró velocidá dende l'empiezu de la primavera. "Esperamos que les flores sían perennes y lluzan", señala la directora del colexu Asturies.
A lo llargo del branu, los alumnos de l'actividá 11x12, que fomenta la conciliación, van tener la misión de regar el güertu pa que siga lo más curiosu posible. Amás, la intención del centru ye mangar bancos al pie de les pistes p’afondar nesi propósitu de facelu más afayaízu.
Loli Fernández empondera la implicación de los escolares y pon un curiosu y simpáticu exemplu. "Hai dalgún que me diz: ‘Castígame, que quiero dir regar’. Obviamente, nun ye un castigu", cuenta Fernández, pa la que "lo guapo" del proyeutu ye que los mesmos alumnos "vean el procesu, lu vivan y lu saborguen".
Les lleiciones sacaes polos estudiantes son delles. "Aprendimos qu'hai que curiar les plantes", afirma Evelyn Redondo. "Y a cultivar", amiesta la entusiasmada Duna Nozal. El so compañeru Mateo Villanueva sintetiza’l gran telón de fondu del proyeutu. "Tenemos de respetar el mediu ambiente", sentencia.
Nun prau del colexu, los pequeños d’Educación Infantil Triana Ruisánchez, Eduardo Carpintero, Álex García, Joel Sánchez y José Manjón reparen nunes cales y xeranios que llamen l'atención de los pasiantes. Pasa davezu, que los vecinos interésense pol güertu del centru.
"Dícennos que da gustu pasiar per equí", comenta Mateo Villanueva. El xixonés colexu Asturies, más verde que nunca, cultiva’l so futuru.
- Kiko Matamoros estalla contra el trabajador de Así es la vida: 'Con mi nombre no vais a jugar, me habéis calentado
- La cuchara antiedad de Nivea: mejora la circulación en la sangre y rejuvenece el rostro
- La buena noticia para aquellos padres con hijos que no son mayores de edad: los 215 euros que van a ingresar al mes si están en esta lista
- Lydia Lozano habla sobre el 'veto' a Terelu Campos en TVE: 'No fue convocada
- Un cañón para acertar a 18 kilómetros, una enfermería como un quirófano y muchas colas: así son los buques de la Armada que están en Gijón
- Jorge Javier desvela el nuevo fichaje de Laura Matamoros para el nuevo supervivientes: 'Tengo un poco de miedo
- Buenas noticias para los padres con hijos menores de 18 años: los 200 euros mensuales que van a recibir si está en este listado
- Rodrigo Cuevas llena Laboral Centro de Arte para inaugurar su exposición