El queseru más mozu de los Picos d'Europa, Premiu Nacional de Gastronomía “Talento Alimentos de España”
El pastor José Luis Alonso llogra la reconocencia por demostrar la vixencia de “oficios artesanos que nun se pueden perder”
José Luis Alonso, cola so reciella. / Julián Rus
El pastor y queseru José Luis Alonso, qu'ellabora gamonéu del puertu na mayada de Gumartini, en plenos Picos d'Europa, ganó'l Premiu Nacional de Gastronomía “Talento Joven Alimentos de España” d'esti añu. Alonso, de 28 años, ye'l más mozu y ún de los cuatro ellaboradores que queden n'Asturies del cobiciáu gamonéu del puertu. La so quesería Uberdón alluga en Gamonéu (Cangues d'Onís), el so pueblu natal, onde vive'l so güelu, el veteranu pastor Paulino Alonso, del qu'aprendió l'oficiu. Pel branu, en Gumartini, ellabora los sos demandaos quesos colos que ganó munchos premios y que tien vendíos prácticamente enantes d'empezar a facelos.
La Real Academia de Gastronomía concede esti galardón con un xuráu que tuvo presidíu pol cocineru Dabiz Muñoz (Premiu Nacional de Gastronomía) ya integráu por Lourdes Plana, presidenta de la Real Academia de Gastronomía; José Miguel Herrero, director xeneral de la Industria Alimentaria; Gorka Arizkorreta, del Basque Culinary Center; y los académicos José Carlos Capel, Rosa Vañó y Ángel Parada.
“Esti premiu busca inspirar a les nueves xeneraciones al traviés de figures como la de José Luis, que demuestren que puede ún ser mozu y dedicase con ésitu a oficios artesanos que nun tienen que se perder”, señaló Dabiz Muñoz.
La gala d'entrega de los Premios Nacionales de Gastronomía 2023 va celebrase'l 3 d'ochobre nel Muséu Nacional Centru d'Arte Reina Sofía.
- Emergencias pone en alerta a todos los asturianos: 'Cierre ventanas y puertas, y aléjese de cornisas, muros y árboles
- Una menor mata a su cuñada, de 20 años, tras apuñalarla en el vientre en Candamo
- Crimen en una casa de Candamo: la menor atacó con una sola puñalada mortal en el vientre a su cuñada tras una discusión por unas galletas
- Muy graves las dos víctimas del brutal choque en la 'Y' entre un coche y un camión que bloqueó el tráfico durante horas y causó retenciones de más de cuatro kilómetros
- Los dos nuevos destinos (y quizá un tercero) a los que aspira el aeropuerto de Asturias
- Tres horas de monumental atasco en la autopista 'Y': más de cuatro kilómetros de retenciones (sentido Oviedo) y dos heridos muy graves al chocar contra un camión
- El gigante de la consultoría tecnológica que tiene 1.000 empleos en Asturias y que ahora amplía su presencia con un centro en Oviedo
- Adriana Lastra suspende su agenda al ingresar en el HUCA
