El Muséu de Grandas de Salime enseña esti branu oficios, xuegos, y técniques de construcción tradicionales
El centru va allugar una esposición de tornería de madera, con una amplia colección de pieces
María Villar / Sixto Cortina (Traducción)
El Muséu Etnográficu de Grandas de Salime “Pepe el Ferreiro” entama esti branu una serie d'actividaes temátiques dende'l 5 de xunetu hasta finales de setiembre. El programa inclúi visites empobinaes, esposiciones, demostraciones d'oficios y xuegos tradicionales.
Asina, los visitantes van poder conocer les característiques constructives y usos de los horros, paneres y cabazos al traviés d'un percorríu temáticu dientro del Muséu. De la mano del torneiro Arturo Iglesias, dende'l martes de la próxima selmana hasta el 15 de setiembre fadránse demostraciones de tornería tolos martes y xueves, lo mesmo que de forxa los miércoles y vienres.
Cola collaboración de l'Asociación d'Amigos del Muséu, el 19 d'agostu va ser una xornada sobre la sema, collecha y procesamientu de la cebera, ún de los trabayos más importantes pal sostenimientu de la casa tradicional.
Nos esteriores del centru'l públicu va tener la oportunidá de familiarizase con xuegos como los aros, la rana o la llave, amañosos pa toles edaes. Tolos detalles d'estes actividaes pueden consultase na páxina web del Muséu museodegrandas.es.
Hasta'l 30 de setiembre los visitantes van poder asistir a l'amuesa El Museo que ven nuestros visitantes, una esposición que cunta con 30 fotografíes y delles imaxes realizaes polos finalistes de los Maratones fotográficos entamaos pola Asociación d'Amigos del Muséu en 2016, 2017 y 2018.
Amás d'esta amuesa, el centru va allugar una esposición de tornería de madera, con una amplia colección de pieces, y va empezar a enseñar la sala "Pepe el Ferreiro" dedicada a José María Naveiras Escanlar, fundador del Muséu.
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- El error judicial que deja impunes a ocho "ángeles del infierno" de Asturias tras la gran operación policial contra ellos
- Barbón, desatado en Ferraz defendiendo a Sánchez: "¡Rebelémonos contra la injusticia!
- Primera condena a una residente de un geriátrico público asturiano por golpear a una auxiliar: "Os voy a rajar
- A vueltas con las directrices de Comercio (y Costco): las claves políticas de la última polémica del Principado
- “Hay que levantar la voz”: crónica de la concentración en Oviedo para apoyar a Pedro Sánchez
- Los decanos de la Universidad de Oviedo ya ponen deberes al rector Villaverde: oferta de empleo, instalaciones, menos papeleo...
- Rescate en Asturias a 11 senderistas que se perdieron en Somiedo