Nuevu récord esportador d'Asturies: estos fueron los principales destinos en 2023
Les ventes en mercaos estracomunitarios y los reenvíos de carbón compensaron el retrocesu de la siderurxa
Nuevu récord esportador d'Asturies: estos fueron los principales destinos en 2023 / LNE
Les esportaciones asturianes llograron l'añu pasáu un nuevu récord, esta vegada por un valor conxuntu de 6.284,28 millones d'euros, un 1,78% más qu'en 2022. El Principáu foi la quinta comunidá onde más crecieron les ventes al esterior, nun contestu de cayida nacional: nel conxuntu del país la esportación reculó un 1,4%, hasta los 383.700 millones, según los datos publicaos pol Ministeriu d'Economía.
Los principales países a los que se destinaron les mercancíes asturianes en 2023 fueron Alemania, Francia, Italia, Portugal y Reinu Uníu. D'esta miente, Alemania sustituyó nel primer puestu a Italia. "Los datos suponen una vuelta a la normalidá, una y bones Alemania y Francia siempre fueren nos últimos años los mayores destinatarios de les nueses esportaciones industriales; la preponderancia d'Italia en 2022 foi una anomalía por una gran medría de ventes de cinc", esplicó Bruno López, director xeneral de la Sociedá de Promoción Esterior del Principáu (Asturex), qu'amestó que'l nuevu máximu anotáu pola rexón "tien especial valor nun contestu d'inflación y desaceleración industrial".
Con too y con ello, de los cinco países mentaos, la esportación namás creció n'Alemania y Reinu Uníu (un 26,4% y un 11,4%, respeutivamente), mentanto reculó nos demás, sobremanera n'Italia. Magar esto, López destacó "la menor dependencia del mercáu européu, qu'agora supon el 74%, y la crecedera en zones como Asia, onde les ventes d'Asturies pasaron del 4% al 9% del total", señaló. Otru factor destacáu foi la entrada de Marruecos nel "top 10" de destinos, cuasi doblando les sos compres a Asturies al respeutive d'un añu enantes, y algamando los 219,3 millones. "Equí la clave foi les mayores ventes de carbón", apunta López. Ello ye que'l Principáu ye ún de los principales puertos españoles de reexportación d'hulla, sobremanera depués del embargu de la UE al carbón rusu.
Sicasí, caltúvose'l predominiu de los productos metalúrxicos, apurriendo'l 38,6% del total d'esportaciones, anque éstes cayeron un 10,5%, afectaes pol zarru del fornu A d'ArcelorMittal ente marzu y xunetu.
Pela so parte, les importaciones asturianes en 2023 menguaron un 19,6%, hasta los 5.511,8 millones, lo que se tradució nun saldu comercial positivu de 776 millones, en contraste col déficit de 678 millones de 2022.
- El PP asturiano ve "una vergüenza" que la ministra Yolanda Díaz "venga a hacerse una foto
- El nuevo destino de playa al que ya puedes llegar volando directamente desde el aeropuerto de Asturias: "Estamos muy contentos
- Estupor en el Gobierno asturiano con la visita de Yolanda Díaz e indignación en la política: 'Es vicepresidenta, no Shakira en un concierto
- La jueza ratifica el sobreseimiento a Villa, pero admite el decomiso sobre sus bienes
- Los planes del Gobierno para mandar trenes nuevos a Asturias... si los Avril no cubren toda la demanda
- Guerra entre el Principado y la Comunidad de Madrid por la sanidad: 'Isabel Díaz Ayuso miente
- Asturias luce músculo económico en Madrid y Hereu lanza un aviso: “Si alguien se quiere ir tendrá que devolver las ayudas”
- Jean-Michel Jorda (francés afincado en Asturias) documenta hasta qué extremos llega el turismo de montaña en el Himalaya
