Les cifres del paru col tirón del turismu en Selmana Santa: asina baxó'l desempléu y xubieron los cotizantes n'Asturies
El Principáu suma en marzu 3.278 cotizantes a la Seguridá Social y dos tercios pertenecen a la hostelería y a les alministraciones públiques
La economía asturiana cada vez ta más "tercializada" y, a nivel llaboral, nótase a les clares nes temporaes de turismu. Esti añu la Selmana Santa cayó en marzu, mes nel que se rexistró n'Asturies un descensu de 1.276 paraos y una medría de 3.286 afiliaos a la Seguridá Social. El sector servicios atropó'l 85% del recorte del paru y el 80% de la nueva contratación. Amás, dos de cada trés nuevos cotizantes pertenecen a la hostelería y a les alministraciones públiques.
El paru
Asturies remató'l mes de marzu con 57.559 persones desempleaes, 1.276 menos que nel mes anterior (-2,17%) y 4.137 menos que va un añu (-6,71%). Los porcentaxes de recorte tan perriba de los nacionales (-1,21% intermensual y -4,73% interañal). El paru baxó en marzu n'Asturies en tolos sectores, especialmente nos servicios, con un recorte de 1.090 paraos (hasta un total de 42.468). Amás, el desempléu baxó en 123 persones na industria (3.940 paraos); en 43 na construcción (4.109), y en 48 na agricultura (1.006), mentanto que nel colectivu ensin empléu anterior repicó en 28 (6.036).
La contratación
En marzu fixéronse n'Asturies 17.458 contratos llaborales, 263 más que nel mes anterior, pero 2.339 menos qu'en marzu de 2023. Cuasi'l 80% féxose nel sector servicios. Los contratos indefiníos representaron el 34,5% del total (nel conxuntu del país fueron el 46%).
L'afiliación
La media d'afiliaos a la Seguridá Social n'Asturies cifróse en marzu en 379.685 persones, 3.286 más que'l mes anterior (0,87%) y 7.120 más que nel mesmu mes de va un añu (1,91%). Nesti casu, les tases de crecimientu tán per debaxo de la media nacional (del 0,93% intermensual y del 2,58% interañal). N'España, la cifra de cotizantes superó per primer vegada los 20,9 millones.
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- El Ministerio de Transportes rompe su silencio sobre la polémica prórroga del peaje del Huerna: "Que la expliquen otros
- El error judicial que deja impunes a ocho "ángeles del infierno" de Asturias tras la gran operación policial contra ellos
- Barbón, desatado en Ferraz defendiendo a Sánchez: "¡Rebelémonos contra la injusticia!
- Primera condena a una residente de un geriátrico público asturiano por golpear a una auxiliar: "Os voy a rajar
- A vueltas con las directrices de Comercio (y Costco): las claves políticas de la última polémica del Principado
- “Hay que levantar la voz”: crónica de la concentración en Oviedo para apoyar a Pedro Sánchez
- Los decanos de la Universidad de Oviedo ya ponen deberes al rector Villaverde: oferta de empleo, instalaciones, menos papeleo...