Asturies va tornar al Festival Intercélticu de Lorient a lo grande
Rodrigo Cuevas, Silvia Quesada, "Calea", L-R, "Deira", "Latira", "La llaguna del Torollu" o la Banda del Atenéu de Mieres, ente los representantes del Principáu
El Festival Intercélticu de Lorient, que se va celebrar esti añu ente'l 12 y el 18 d'agostu y que va tar dedicáu a la mocedá de los países celtes, foi presentáu va unes selmanes en París pol so director, Jean Phillippe Mauras. Dende la capital francesa'l gaiteru Iñaki Sánchez Santianes de Molenes, delegáu del Festival n'Asturies, asoleyó l'amplia representación asturiana nesta nueva edición del certame.
El grupu de baille "Escontra’l raigañu", la Banda de gaites "La llaguna del Torollu" y la Banda de música del Atenéu Musical de Mieres van participar nel desfile de les naciones celtes el día 15 d'agostu y nel espectáculu "Horizons Celtiques" los díes 12, 13, 14 y 15.
Tamién van viaxar a Lorient Silvia Quesada, "Calea", L-R, "Baxel", "Llevolu’l Sumiciu", "Deira", "Breiz-Asturies Project" y la banda "Latira". Estos dos últimes formaciones cunten con músicos d'Asturies y de la Bretaña. Rodrigo Cuevas va actuar el día 11 d'agostu en Le Theatre.
Paula Vega Buznego y Eduardo Llosa García van axuntase a un nuevu proyectu, a manera de residencia artística, denomináu Intercéltic Summer Camp, pal que'l Festival de Lorient escoyó a 16 músicos de los distintos países del Arcu Atlánticu.
El Festival Intercélticu de Lorient recortó esti añu y escepcionalmente la so duración, de los diez díes que solíen ser davezu a siete, pola proximidá de feches colos xuegos olímpicos en París, que se van celebrar del 26 de xunetu al 11 d'agostu.
Sánchez Santianes de Molenes, que va impartir la masterclass de gaita previa al troféu "MacCrimmon" el 10 d'agostu, rescampla que "nesta edición la presencia asturiana ye bultable cuidao que nun ye'l país d'honor, como asocediera nel añu 2022. Tamos falando de que la delegación va llevar alredor de les 150 persones en total".
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- El Ministerio de Transportes rompe su silencio sobre la polémica prórroga del peaje del Huerna: "Que la expliquen otros
- El error judicial que deja impunes a ocho "ángeles del infierno" de Asturias tras la gran operación policial contra ellos
- Barbón, desatado en Ferraz defendiendo a Sánchez: "¡Rebelémonos contra la injusticia!
- Primera condena a una residente de un geriátrico público asturiano por golpear a una auxiliar: "Os voy a rajar
- Una red de 20 kilómetros de tubos llevará hidrógeno verde desde la central de Aboño a Ardelor y DuPont
- A vueltas con las directrices de Comercio (y Costco): las claves políticas de la última polémica del Principado
- “Hay que levantar la voz”: crónica de la concentración en Oviedo para apoyar a Pedro Sánchez