Aspace cumple 60 años n'Asturies col retu de dar respuesta a los pacientes mayores
José María Angresola, "Mossa", exfutbolista del Uviéu, fai de padrín nun actu pa llanzar la nueva residencia de Latores
L'Asociación d'Ayuda a Persones con Parálisis Cerebral (Aspace) cumplió 60 años d'actividá n'Asturies con un actu públicu nel hotel uvieín de la Reconquista (Uviéu) y nel qu'actuó como padrín José María Angresola, "Mossa", exjugador del Real Uviéu.
L'equipamientu d'Aspace asitiáu en Llatores (Uviéu ) atiende anguaño a más de 200 persones con parálisis cerebral y afectaciones asemeyaes. La so plantiya supera'l centenar de trabayadores. Esta efeméride llega nun momentu crucial pa la organización, porque tien entamada la construcción del nuevu pabellón "Ana Casanueva" p'allugar una unidá de convivencia onde les persones mayores con parálisis cerebral puedan vivir cola mayor autonomía y adaptaciones posibles.
Ye bien sabío que la esperanza de vida d'esti tipu de pacientes aumentó d'un xeitu bultable nos últimos tiempos, lo qu'esixe nuevos perfiles nel modelu d'atención. "Esti proyectu, que supera'l millón d'euros de presupuestu, ye una apuesta importante pa poder atender a les persones con parálisis cerebral nesta etapa del so ciclu vital", sorrayó la xerente d'Aspace, Henar Fernández Ibáñez.
Nel actu del miércoles, intervinieron representantes del Conceyu d'Uviéu y de la Conseyería de Derechos Sociales y Bienestar, ente otros, y evaluóse la situación actual d'Aspace Asturies, el serviciu qu'ufierta a la sociedá, los llogros alcanzaos a lo llargo de la so trayectoria, les necesidaes y los retos de presente y futuru que se plantegen.
Lo qu'en 1964 empezó siendo una iniciativa privada liderada por unos padres que teníen claro qu'el so deber yera consiguir recursos pa ufiertar una vida digna y calidable pa los sos fíos y fíes ye, anguaño, un conxuntu de servicios, programes y profesionales qu'atienden tol ciclu vital de les persones con parálisis cerebral. Coles mesmes, Aspace cuenta con importantes convenios coles alministraciones públiques, especialmente col Principáu.
El nuevu edificiu va asitiar nes actuales instalaciones d'Aspace n'Uviéu, pocos metros al norte del Colexu d'Educación Especial de Llatores, col que comparten actividaes a esgaya. L'asociación funciona como un centru de día pa dellos usuarios, mentanto qu'otros tan internos les 24 hores. Ellí cunten con maquinaria y tecnoloxía imprescindible pa ellos.
“Cola ayuda de la Conseyería de Cultura, Política Llingüística y Turismu del Principáu d´Asturies”.
- Estupor en el Gobierno asturiano con la visita de Yolanda Díaz e indignación en la política: 'Es vicepresidenta, no Shakira en un concierto
- Los planes del Gobierno para mandar trenes nuevos a Asturias... si los Avril no cubren toda la demanda
- Continúa el trasvase de médicos de la sanidad pública asturiana a la privada: estas son las especialidades más afectadas
- Guerra entre el Principado y la Comunidad de Madrid por la sanidad: 'Isabel Díaz Ayuso miente
- Estos son los descuentos en el peaje del Huerna (desde el primer viaje) que planea aplicar Transportes
- Así funciona el servicio de buses que conecta Avilés y el valle del Nalón con el AVE
- Asturias luce músculo económico en Madrid y Hereu lanza un aviso: “Si alguien se quiere ir tendrá que devolver las ayudas”
- Jean-Michel Jorda (francés afincado en Asturias) documenta hasta qué extremos llega el turismo de montaña en el Himalaya