Los pescadores cuenten que dieron cola causa del baxón de la xarda y la respuesta tien que ver con otru pexe
La bayura d'atunes coloraos, una especie poco avezada nes agües del mar Cantábricu, paez guardar relación coles poques captures de xarda
Descarga de caxes de xarda recién pescao nel puertu d'Avilés. | Miki López / Francisco L. Jiménez
La primer señal d'alarma indicadora de que daqué nun va bien na pesquería de la xarda n'agües asturianes encendióse va dos años: dempués de delles costeres sobresalientes nes que se pescó tol cupu disponible "y más qu'hubiera", según el dicir de los pescadores, la campaña de 2021 afloxó y llegó a capturase por poco'l 80 por cientu de les tonelaes autorizaes. En 2022, más de lo mesmo. Y a tenor del desenvolvimientu de la campaña presente, qu'empezó esti marzu, munchos tán yá na cuenta de que la costera va ser mala.
¿Qué-y pasa a la xarda? ¿Por qué nun acaba nos anzuelos o les redes de los barcos nes abondoses cantidaes d'antañu? Hasta agora naide paecía tener respuesta a eses entrugues, pero a fuerza d'observar los pescadores desarrollaron una teoría: la culpa del baxón de les costeres de xarda, o cuandu menos una parte de la mesma, tiénela los atunes coloraos, un depredador natural de la xarda.
A diferencia del atún blancu del Norte (n'Asturies conocíu como bonito), l'atún coloráu nun frecuenta'l mar Cantábricu y prefier les agües atlántiques abiertes. Pero eso paez camudar. Cada vez ye más frecuente, cunten los pescadores, la captura accidental d'atunes coloraos y la so detección nel mar. Esto ye, que la población paez aumentar.
La bayura d'atunes coloraos tien dos llectures: una positiva, la posibilidá de pescalos y sacar provechu al so gran valor comercial; y otra negativa, que depreden los báramos de xarda y quiten eficacia a les artes de pesca convencionales qu'usa la flota asturiana.
"Al marxe de la xarda que comen, que ye una barbaridá, la presencia de los atunes coloraos nestes feches fai que s'espardan los báramos de xarda y qu'éstes se vuelvan tornes y gafes, amás de buscar mayores fondures onde ye más difícil que piquen nos anzuelos", esplica un pescador esperimentáu.
El rendimientu de la pesca de la xarda vien determináu en bona midida pola so cercanía a la marina, nel fechu d'atopales a poca fondura y en que naden arrexuntaes por que al echar les artes de pesca'l pexe tea atropáu y aumenten les probabilidaes de captures. Tolo contrario de lo que pasa si los atunes coloraos anden rondando buscando preses.
Los atunes coloraos son verdaderos torpedos del mar, con más de 400 kilos de pesu y una capacidá natatoria que-yos permite movese a 40 kilómetros por hora. P'alimentar asemeyáu gastu d'enerxía anden tul tiempu esgalazaos.
- Se insta a los asturianos a cerrar persianas y puertas: la alerta durará un día
- La multinacional que comienza a operar en Asturias con 78 empleados y que tiene 40 fábricas por todo el mundo
- Muere un ciclista ovetense de 58 años al ser arrollado en la carretera de Soto del Barco a Pravia, a la altura de Riberas
- Consternación por la muerte de 'Nacho el vasco', el ciclista arrollado en Soto del Barco: un deportista muy querido en el mundo del triatlón asturiano
- Miss Asturias' informó a Barbón por Instagram de las supuestas corruptelas y él la remitió a Fiscalía: LA NUEVA ESPAÑA desvela la conversación completa
- Disputa por una herencia de 14 millones: el hijo ilegítimo que la reclama y el oculista de Oviedo que podría llevarse un pellizco
- No es solo el Huerna: el otro peaje en Asturias (y este lo pagan todos los asturianos a razón de 11 millones al año)
- Te vamos a echar de menos, amigo': la sentida y cariñosa despedida del club ciclista de Pravia del compañero muerto arrollado en la carretera en Soto del Barco
