Estos van ser los nuevos escenarios del festival Vesu, que camuda d'allugamientu
El festival, del 21 al 23 de xunu, sal per primer vegada d'Uviéu, a la Central Artística de Güeñu
Cartel del Vesu. / Vesu
Una de les grandes cites añales asturianes col xéneru indie escueye La Ribera como sede. La Central Artística de Güeñu (CAB) va allugar ún de los escenarios del festival Vesu, que se celebraba dende va dellos años puramente n'Uviéu, na Fábrica d'Armes de la Vega. Ún d'ellos, porque na edición de 2024 va tener dos allugamientos, dambos inéditos. L'otru va ser na capital d'Asturies, nos Xardinos de la Rodriga. Les dos plataformes van acoyer les actuaciones, que se van celebrar ente'l vienres 21 y el domingu 23 de xunu. El cartel, inda por cerrar, tien confirmaos yá nomes de la talla de Xoel López, "Fillas de Cassandra", Rocío Sáiz, Carlos Ares, "La Milagrosa" y los alemanes "Komfortrauschen".
La CAB, a 7 kilómetros del centru d'Uviéu, ye un espaciu artísticu polivalente perteneciente al Conceyu de La Ribera. Consta d'una superficie útil de 3.000 m2 ya intégrase al pie de la plaza de Güeñu. El diseñu de la infraestructura reinterpreta al horru, ún de los elementos arquitectónicos más emblemáticos del pueblu más prolíficu d'Asturies nestes construcciones: tien nada menos que 47. L'allugamientu del escenariu na localidá riberana afitóse gracies a la estrecha collaboración col Consistoriu local, que'l so rexidor ye Tomás Fernández.
La otra localización van ser los Xardinos de la Rodriga, en plenu centru d'Uviéu y un "antiguu pruyimientu" de los responsables del festival. Trátase d'una zona verde de 8.000 m2 asitiada ente les cais Campumanes, Leopoldo Alas y el Seminariu Metropolitanu, llugar que s'aseguró gracies a la Fundación Municipal de Cultura del conceyal David Álvarez. "El llugar perfectu pa disfrutar de la música en directu ente tilales, acacies, castañales o lloreos", cuenten dende la organización, sobre un área que definen como una de les "xoyes escondíes" de la ciudá.
Los abonos, a la venta nel so segundu tramu de precios, pueden consiguise na web @www.vesu.es, a un preciu de 39,95 euros más gastos de xestión. Les entraes van cambiase por pulseres d'accesu y pagu na entrada del festival mesmu.
- El Ministerio de Transportes rompe su silencio sobre la polémica prórroga del peaje del Huerna: "Que la expliquen otros
- Danone y Arias dejan de comprar leche a los ganaderos asturianos
- Una granizada deja seis heridos al chocar nueve coches en la vertiente leonesa del Huerna
- Esta es la comunidad autónoma más querida por los españoles (y sí, seguro que probaste su comida)
- Una red de 20 kilómetros de tubos llevará hidrógeno verde desde la central de Aboño a Arcelor y DuPont
- Las Guisanderas reivindican la cocina regional: "Tenemos de todo, pero no sabemos venderlo
- Las agresiones a sanitarios se disparan en Asturias: la alarmante cifra y lo que plante el Sespa para atajarlo
- Las ansiadas directrices de Comercio tienen borrador y... ¿podría Costco instalarse en Siero?
