La meyor tortiella de Siero lleva chocolate, guindilla y anchoa
El chef Borja Alcázar ganó'l concursu de les xornaes gastronómiques con una coraxosa propuesta qu'inclúi guindilla y anchoa
La meyor tortiella de Siero faese con chocolate. Esi ye'l tresnu básicu de la propuesta cola que Borja Alcázar, chef del restaurán Abrelatas de La Pola, ganó nel concursu oficial de les xornaes gastronómiques celebraes la pasada fin de selmana nel conceyu. El mesmu cocineru esplica que se trata d'una tortiella de chocolate picante con guindilles verdes. A xuiciu del xuráu, foi la meyor de les creaciones presentaes a un certame nel qu'en segundu llugar quedó'l tamién polesu café bar Amigo y la tercer plaza axudicósela'l café Vistrea d'El Berrón.
Esplica Alcázar que la ganadora ye una receta diseñada especialmente pal certame, yá que nun suel trabayar la tortiella dientro de los platos qu'ufierta a los veceros nuna carta que define como "asturiana y divertida". El procesu de creación consiste n'ellaborar una tortiella francesa, que nel so interior espárdese chocolate y guindilla, axuntamos tamién pimientu y anchoa afumada. La resultancia ye una pieza sabrosísima que sorprendió pol so sabor y orixinalidá al xuráu encargáu de fallar los galardones del concursu de la docena edición de les Xornaes gastronómiques de la tortiella de Siero.
El xuráu oficial taba formáu Susana Madera, conceyala d'Urbanismu del Conceyu de Siero, como presidenta ; Ana Díaz, técnicu del Serviciu de Promoción Económica y Desenvolvimientu Local, en funciones de secretaria, y profesionales de la restauración y la hostelería como'l chef Pablo Arbesú Iglesias, el presentador televisivu Cristian González y l'escritor y críticu gastronómicu David López.
Nel eventu participaron quince establecimientos de les localidaes de La Pola, Llugones y El Berrón, con una gran variedá de propuestes que'l públicu pudo tastiar a un preciu de 2,5 euros la unidá.
Los veceros de los establecimientos inscritos tamién actuaron como xuráu popular al traviés de la iniciativa "Tu pruebes, tu decides". Los que s'animaron a participar entraron nun sortéu de llotes de productos asturianos.
Borja Alcázar ye un sareganu qu'abrió'l restaurán Abrelatas en La Pola va trece años y tien un prestíu notable, daqué no que tamién tuvo que ver el llabor énte los fogones de so madre, Mari Luz Cifuentes. En 2021 concedió-y un "Solete" la prestixosa Guía Repsol. Amás, foi finalista del concursu de pinchos y tapes Ciudá de Valladolid, el más prestixosu d'España y al que se presenten centenares de cocineros llegaos de tou'l país.
- El Ministerio de Transportes rompe su silencio sobre la polémica prórroga del peaje del Huerna: "Que la expliquen otros
- Danone y Arias dejan de comprar leche a los ganaderos asturianos
- Una granizada deja seis heridos al chocar nueve coches en la vertiente leonesa del Huerna
- Una red de 20 kilómetros de tubos llevará hidrógeno verde desde la central de Aboño a Arcelor y DuPont
- Las Guisanderas reivindican la cocina regional: "Tenemos de todo, pero no sabemos venderlo
- Esta es la comunidad autónoma más querida por los españoles (y sí, seguro que probaste su comida)
- Las agresiones a sanitarios se disparan en Asturias: la alarmante cifra y lo que plante el Sespa para atajarlo
- Las ansiadas directrices de Comercio tienen borrador y... ¿podría Costco instalarse en Siero?