L'enfotu empresarial meyora n'Asturies, pero ye'l terceru peor
El saldu ente opiniones optimistes y pesimistes sigue siendo negativu, anque menguó a menos de la metá nesti trimestre
L'enfotu del empresariáu asturianu na mira económica ameyoró pa esti trimestre'l 2,8%, una décima más de lo que lo fixo'l promediu español, magar ello, la comunidá caltiense como la tercera con más pesimismu empresarial del país, según espublizó esti día l'Institutu Nacional d'Estadística (INE).
Según l'INE, el saldu d'opiniones empresariales optimistes y pesimistes sobre'l trimestre qu'acaba d'empezar rescampla un resultáu negativu n'Asturies de 4,2 puntos porcentuales, solo meyor qu'el de Navarra (-5,7) y La Rioja (-7,6). Solo n'otres dos rexones (Estremadura y Murcia) el saldu de percepciones tamién ye pesimista.
Sicasí, apréciase un gran ameyoramientu mesmo n'Asturies como n'España al respeutive del trimestre precedente. Pal periodu xineru-marzu Asturies tenía un saldu negativu de 9,5 puntos, de cuenta que'l diferencial pol que'l pesimismu supera al optimismu amenorgó a menos de la metá hasta asitiar agora nel -4,2.
N'España tamién s'aprecia una fuerte recuperación: si nel primer trimestre primaben les mires más esmolecedores (el saldu yera de -1,95 puntos), pal periodu abril-xunu el clima d'enfotu recuperóse con fuerza y algamó una nota positiva de 3,4 puntos porcentuales a favor del optimismu sobre la marcha de la economía y de los negocios.
N'España, el 20,6% de los establecimientos empresariales tien una visión optimista, el 62,2% cree que les perspectives son normales y el 17,2% ye pesimista. Asturies, con un tonu más esmolecíu rescampla por un 17,4% d'empreses optimistes (3,4 puntos menos que la media ), un 61% que ve la situación ensin euforia nin congoxa (1,2 puntos per debaxo del promediu nacional) y un 21,6% (4,4 puntos más que n'España) que tien una visión desfavorable sobre'l trimestre.
El colectivu asturianu con visión favorable ye'l cuartu menor d'España (depués de Galicia, Navarra y La Rioja); el que tien una opinión de normalidá ye'l séptimu más nutríu del país y el que ta agolmáu y tien un perspectiva desfavorable ye'l más ampliu del país, empatáu con Navarra.
- El Ministerio de Transportes rompe su silencio sobre la polémica prórroga del peaje del Huerna: "Que la expliquen otros
- Danone y Arias dejan de comprar leche a los ganaderos asturianos
- Una granizada deja seis heridos al chocar nueve coches en la vertiente leonesa del Huerna
- Una red de 20 kilómetros de tubos llevará hidrógeno verde desde la central de Aboño a Arcelor y DuPont
- Las Guisanderas reivindican la cocina regional: "Tenemos de todo, pero no sabemos venderlo
- Esta es la comunidad autónoma más querida por los españoles (y sí, seguro que probaste su comida)
- Las agresiones a sanitarios se disparan en Asturias: la alarmante cifra y lo que plante el Sespa para atajarlo
- Las ansiadas directrices de Comercio tienen borrador y... ¿podría Costco instalarse en Siero?
