Tañes prepárase pa ser la capital asturiana del piragüismu: "Esti branu yá va haber deportistes entrenando"
Les embarcaciones tán yá mercaes | Los deportistes federaos van ser los primeros n'usar el pantanu pa la navegación
Tanes se prepara para ser la capital del piragüismo de Asturias / L. M. D.
Tañes (Casu, parque natural de Redes) prepárase pa ser la capital asturiana del piragüismu. Les embarcaciones tán yá adquiríes y fabricándose -ye una firma portuguesa, especialista a nivel mundial les que les suministra-. Esti mesmu branu, tal qu'apunta l'alcalde, Miguel Fernández, los deportistes federaos van poder navegar peles agües del pantanu. "Ellos van ser los primeros. Depués yá va venir l'usu más enfocáu al turismu".
Per partes. Los pantalanes del embalse yá tán instalaos, mesmo'l deportivu, como'l destináu a les embarcaciones turístiques. L'edificiu que va sirvir pa dotar de servicios a esta área tamién ta termináu, namás falta que se dea d'alta'l suministru eléctricu, trámite alministrativu que yá ta termináu. Les embarcaciones (33), amás, tán mercaes. Finánciales la empresa enerxética EDP, que xunto al Consorciu de Suministru d'Agües del Principáu, Cadasa, son los xestores del pantanu -xunto al de Rusecu, Tañes forma un complexu hídricu que suministra agua potable a tol centru d'Asturies y nel que tamién se produz eletricidá con una central hidroeléctrica-. Hai adquiríes piragües de distintes dimensiones (k-1, k-2, k-4) y tamién kayaks, canoes.
Les primeres, les piragües, tán destinaes a deportistes federaos. La Federación Asturiana de Piragüismu va encargase de xestionar los pantalanes, tal qu'indicó'l rexidor casín. D'esti xeitu, les distintes selecciones van poder entrenar a lo llargo de tol añu nel pantanu, que ye "perfectu pa la so actividá". Les canoes pueden tener usu deportivu, pero tamién turísticu, yá que son un tipu d'embarcación muncho más amañosa que la piragua convencional. Mesmo les piragües que los kayaks son embarcaciones "cautives": solo pueden utilizase nestes agües, y de primeres nun s'almite la llegada d'otres embarcaciones usaes en llugares distintos. L'oxetivu d'esta midida ye caltener la calidá de l'agua y evitar la posible llegada d'especies invasores a la "fonte d'Asturies".
Col usu turísticu llega tamién la necesidá de cuntar con un equipu de seguridá nel embalse. Ta en tramitación la compra de dos llanches de rescate, que van remanar miembros de Protección Civil cola formación afayaíza. Depués d'una primer llicitación que quedó erma, la compra de les dos llanches a motor pa casos d'emerxencia tien agora trés empreses interesaes, y nunos díes va tar termináu'l procesu. Esti equipu de salvamentu va funcionar pela temporada turística.
Los deportistes van entrar a les agües del pantanu "lo primero que se pueda", esti mesmu branu. La idea ye llograr que Tañes, nel parque de Redes, seya la capital del piragüismu n'Asturies.
- El Ministerio de Transportes rompe su silencio sobre la polémica prórroga del peaje del Huerna: "Que la expliquen otros
- Cuatro heridos en un choque entre diez vehículos en la parte leonesa de la Autopista del Huerna
- Una red de 20 kilómetros de tubos llevará hidrógeno verde desde la central de Aboño a Arcelor y DuPont
- Las Guisanderas reivindican la cocina regional: "Tenemos de todo, pero no sabemos venderlo
- Las agresiones a sanitarios se disparan en Asturias: la alarmante cifra y lo que plante el Sespa para atajarlo
- Juristas asturianos rechazan que el Presidente haya sido víctima de "lawfare
- Las ansiadas directrices de Comercio tienen borrador y... ¿podría Costco instalarse en Siero?
- Reducción de jornada y mejores salarios, el grito de los grandes sindicatos en su manifestación en Asturias
