Asturies va ensayar la impresión 3D con magaya de sidra
El clúster del metal llogra ayudes europees pa convertir la borrafa de los llagares en material d'altes prestaciones
Dos trabayadores d'un llagar de Villaviciosa retiren la magaya. | Juan Plaza / Pablo Castaño
La magaya, el restu sobrante del mayáu de la mazana na ellaboración de la sidra, puede convertise nun material d'altes prestaciones pa la impresión 3D. D'ello ta convencíu un consorciu empresarial lideráu pol cluster de fabricación avanzada de la industria del metal d'Asturies, Metalindustry4, qu'acaba de recibir más de 200.000 euros de fondos europeos del plan de recuperación pa investigar l'usu de magaya como material biodegradable pa la fabricación aditiva.
El Ministeriu d'Industria, Comerciu y Turismu publicó esti día la resolución provisional de la segunda convocatoria del Programa de Sofitu a les Agrupaciones Empresariales Innovadores (AEIs), pol que se subvencionen 261 proyectos con 48,4 millones d'euros provenientes de los Fondos Next Generation. Según informó'l gabinete empobináu por Reyes Maroto, la inversión movilizada xube a 71,7 millones d'euros y l'importe mediu de subvención ye de 185.000 euros.
Ente los proyectos escoyíos hai siete lideraos por consorcios d'Asturies que llograron 1,14 millones. Metalindustry4, el cluster de fabricación avanzada impulsáu pola patronal Femetal, llogró ayudes pa trés proyectos. El más llamativu ye'l de la investigación del usu de la magaya pa la impresión 3D, un proyectu que yá pescudó la empresa asturiana Triditive xunto con estudiantes de la Universidá d'Uviéu. Esti proyectu llogra una ayuda de 206.543 euros.
Les otres dos iniciatives de Metalindustry4 que consiguieron subvenciones son "Metalzero CO2", que consiste nel desenvolvimientu d'un sistema intelixente d'analís enerxéticu p'avanzar escontra la sostenibilidá y la descarbonización na cadena de valor del sector metalmecánicu, y "Niblo", una investigación de soluciones basaes en tecnoloxía lidar, intelixencia artificial y blockchain pa la so aplicación en trazabilidá y loxística en planta. El primer proyectu llogró una ayuda de 156.500 euros y el segundu de 322.156 euros.
L'asociación d'empreses de tecnoloxíes de la Información y Comunicación del Principáu, el Cluster TIC Asturies, tamién lidera trés proyectos que consiguieron ayuda. El primeru llámase "Incobot" y consiste nel desarrollu d'un vehículu ensin tripular que ye quien a trabayar de forma autónoma nel interior de conductos y tuberíes. Llogró una ayuda de 99.974 euros. El segundu proyectu llámase "Gesincam" y consiste nel diseñu, prototipáu y validación d'una ferramienta intelixente de xestión pa camioneros autónomos. Consiguió 133.456 euros. Y el terceru, que llogró 180.229 euros, llámase "AlgorithmS4Sustainability" y ye una investigación n'algoritmos pa la predicción y xestión de los fluxos de visitantes en destinos turísticos.
El Club Asturianu de la Innovación tamién consiguió una ayuda de 41.840 euros pal so proyectu de desenvolvimientu d'un calefactor de punción folicular.
Los sectores más beneficiaos nesta convocatoria fueron el TIC y l'agroalimentariu y les rexones con más proyectos Cataluña (89), Aragón (50) y Andalucía (34).
- El PP asturiano ve "una vergüenza" que la ministra Yolanda Díaz "venga a hacerse una foto
- Estupor en el Gobierno asturiano con la visita de Yolanda Díaz e indignación en la política: 'Es vicepresidenta, no Shakira en un concierto
- Los planes del Gobierno para mandar trenes nuevos a Asturias... si los Avril no cubren toda la demanda
- Guerra entre el Principado y la Comunidad de Madrid por la sanidad: 'Isabel Díaz Ayuso miente
- Asturias luce músculo económico en Madrid y Hereu lanza un aviso: “Si alguien se quiere ir tendrá que devolver las ayudas”
- Jean-Michel Jorda (francés afincado en Asturias) documenta hasta qué extremos llega el turismo de montaña en el Himalaya
- Avilés y el valle del Nalón estrenan los buses que conectan con el AVE
- Ir al HUCA de madrugada, la vía cada vez más usada para una atención rápida: 'Las guardias de las noches se han vuelto muy complicadas
