La industria asturiana reduxo'l 2,1% la so actividá nel primer trimestre
El sector enerxéticu y l'impactu de la Selmana Santa contraxeron la producción fabril el 6% nel mes de marzu, según Sadei
La industria asturiana volvió recortar los sos niveles d'actividá en marzu y reculó'l 6,1% en tasa interañal, colo que la producción cayó'l 2,1% nel acumuláu del primer trimestre, informó esti día la Sociedá Asturiana d'Estudios Económicos ya Industriales (Sadei).
El recorte de la producción enerxética asturiana caltiense como'l principal factor causante del retrocesu. La bayura d'enerxíes anovables como la eólica y la solar –nes qu'Asturies nun tien un gran pesu– mueve la entrada nel sistema de les centrales que quemen enerxía fósil pol so mayor costu, lo que penaliza al sector enerxéticu asturianu, que reculó por ello'l 10% en marzu.
Sadei apunta al tiempu a la mengua de pidíos de llunes pal automóvil como otra de les causes, con impactu en delles plantes, con una actividá qu'amenorgó'l 20,5%, y una d'elles (Saint Gobain) pretende trancar esta llinia de fabricación na so factoría d'Avilés. Quitando la industria químico, qu'avanzó'l 17,2% interañal pese al mal comportamientu del subsector farmacéuticu, toles cañes cerraron marzu en negativu, en parte de resultes de que cayó nesi mes la Selmana Santa. Metalurxa (-2,7%) ya industria tresformadora de los metales (-1,6%) tuvieron les cayíes más llixeres.
La producción de bienes de consumu reculó'l 7,7%; la de bienes d'equipu, el 9,5%; la de bienes entemedios, el 2,6% y la d'enerxía, el 10%.
“Cola ayuda de la Conseyería de Cultura, Política Llingüística y Deporte del Principáu d´Asturies”.
- Gran éxito del tren madrugador a Madrid, que los empresarios piden que llegue aún antes y sin más paradas
- Un coche de alta gama alquilado, el maletero abierto y una visita al dentista: la intrahistoria de la fuga de película de un preso en Siero
- Barbón lanza un recado a Felipe González: 'Estoy muy orgulloso de Zapatero, demuestra cómo hay que ser un ex
- Buscan a un preso fugado en Asturias durante un traslado: se metió en un maletero tras salir del dentista en Siero
- Sindicatos y patronal intentan salvar 'in extremis' un convenio que evite la huelga de 27.000 trabajadores
- Patronal del metal y sindicatos salvan 'in extremis' (y por ahora) la huelga de 27.000 asturianos: así es el preacuerdo
- Asturias lanza ya su reforma legal para los pisos turísticos con el objetivo de que esté en vigor en el verano
- Del regalo de la ministra Robles a una ovetense, a la dieta de Barbón pasando por la recepción del Reconquista: lo que no se vio del desfile militar en Oviedo