La rexeneración ambiental de la ría d'Avilés ye un fechu: pesquen doraes de más de 3 kilos nel paséu
Los pescadores recreativos aseguren que dende'l cese de los arramaos de les bateríes de coque abonden les llubines, xargos y hasta llinguaos
La bayura de pexe "fino" nes agües de la ría d'Avilés fala a les clares, acordies colos pescadores recreativos que se manguen a la so vera, de la paulatina meyora ambiental de les agües del estuariu, que d'una década a esta parte vuelven ufiertar condiciones afayaíces pa la vida piscícola. Un exemplu d'esto ye la captura la madrugada del pasáu martes d'una dorada de trés quilos y mediu. Echóla a tierra'l pescador aficionáu Ramiro Caldevilla, más conocíu en realidá pola so faceta de cortador profesional de xamón pero tamién diestru nel manexu de la caña.
Esa imaxe remembra la d'un Avilés bien antiguu, cuando la ría taba atarraquitada de vida y onde los paisanos allegaben a pescar una gran variedá de pexes y mariscu; hasta angula cunten les cróniques qu'entraba nes agües estuarines. La industrialización de mediaos del sieglu XX acabó con toa esa riqueza piscícola ya inclusive cola naturaleza marismeña que caracterizaba la zona. Nun foi hasta que remataron les obres de saneamientu que la cloaca en que s'acabó convirtiendo la ría d'Avilés recuperó cierta calidá de les sos agües y agora, por mor del cese de los arramaos industriales –n'especial los de les bateríes de coque, según apunten los pescadores–, la meyora ambiental sigue.
"Nun ye pa nada raro pescar una dorada na ría, lo que nun ye tan frecuente ye que pese más de trés kilos", comentó'l suertudu pescador, qu'amás dixo qu'esa mesma nueche inclusive pudo haber doblete: "Un amigu que m'acompañaba tuvo enganchada otra dorada posiblemente más grande entá que la mía, pero perdióla porque yera un pexe de fuertes quexales y na batalla por nun ser pescada acabó por romper la tanza".
La captura d'esti exemplar fíxose na marxe esquierda de la ría, al altor del conxuntu escultóricu conocíu popularmente como "Los Conos". El cebu usáu foi "xorrón" y la caña usada, una fabricada con kévlar de 4,5 metros de llargor. "Ye ún de los sitios más frecuentáu por pescadores n'horariu nocherniegu, lo que nun m'estraña porque'l sitiu ta pobláu por doraes, xargos, llubines y hasta dalgún qu'otru llinguáu", asegura Caldevila.
La pesca n'agües interiores de la ría ta autorizada dende les 22.00 hores hasta les 8.00 del día siguiente, una franxa de tiempu pensada por que l'actividá de los pescadores nun interfiera col usu piatonal o de recréu que cientos d'avilesinos dan al paséu marítimu y al cercanu puertu deportivu. "Hai díes qu'aquello ye una romería", fae'l pescador dando a entender la gran cantidá d'aficionaos que s'axunten na ría pa pescar.
- El Ministerio de Transportes rompe su silencio sobre la polémica prórroga del peaje del Huerna: "Que la expliquen otros
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Primera condena a una residente de un geriátrico público asturiano por golpear a una auxiliar: "Os voy a rajar
- Una red de 20 kilómetros de tubos llevará hidrógeno verde desde la central de Aboño a Ardelor y DuPont
- Las Guisanderas reivindican la cocina regional: "Tenemos de todo, pero no sabemos venderlo
- Juristas asturianos rechazan que el Presidente haya sido víctima de "lawfare
- Los decanos de la Universidad de Oviedo ya ponen deberes al rector Villaverde: oferta de empleo, instalaciones, menos papeleo...
- La situación nacional se traslada a un pleno tenso en la Junta del Principado: los reproches cruzados de crispación entre Barbón y Queipo