Xuguetes que nun entienden de xéneru: "Va años que la xente lleva cocinines pa neños”
“La distinción por sexos ta obsoleta" , afirmen los xugueteros uvieínos
Julia González Miyares, tres el mostrador d'una xuguetería uvieína. | Luisma Murias / Elena G. Díez
Elena G. Díez / Sixto Cortina (Traducción)
El ministru de Consumu, Alberto Garzón, quier unes navidaes ensin xuguetes sexistes; el consumidor sepárase de la perspectiva de xéneru mientres s'avera a la señaldá pa buscar clásicos y los comerciantes afáyense a esa demanda. Daqué que les jugueterías d'Uviéu lleven faciendo más allá de polítiques y modes. Pero, ¿hai xuguetes específicos pa neños y neñes?”. Nes tiendes respuenden que non. “Los xuguetes son xuguetes, depende too del significáu que se -yos dea”, esplica Paula Palazón, al mandu d'una tienda nel centru d'Uviéu. A esti pensamientu axuntáronse más comerciantes, qu'aseguren que dende fai un llargu periodu de tiempu nun se fai nengún tipu de distinción en cuenta del sexu ente los sos estantes y catálogos. “Ye de daqué que ta obsoleto, va años que la xente lleva cocinines pa neños y coches teledirixíos pa neñes”, asegura Laura González dende una xuguetería clásica de la cai Independencia.
Lorena Riesco y Martina Lago nel escaparate d'una xuguetería uvieína. | Luisma Murias / Elena G. Díez
Mui cerca, na mesma cai, tamién espliquen que, n'ocasiones, son los padres los que deciden qué parte de la ufierta refugar o s'empobinen directamente al dependiente pa pidi-y que-y enseñen coses “pa un neñu o una neña”. Anque esi enclín ta camudando. Rocío Rodríguez, encargada nuna gran superficie de xuguetería, asegura que los carrinos de moñecos trunfen ente tou tipu de públicu ensin nenguna oxeción, nin per parte de los vendedores nin de los proxenitores: “Ye daqué que ta superao”. Por eso, animen al Ministeriu de Consumu a más campañes y menos boicó. “Xugar ye daqué esencial, que desarrolla'l calter y la imaxinación. La prioridá tendría de ser fomentar l'usu del productu tradicional y alloñar a los menores de les pantalles”, defende Palazón.
Dos neñes reparen nos xuguetes d'otra tienda. / Elena G. Díez
Pa los veceros que s'animaron a cargar con bolses apinaes de regalos navidiegos, esti intensu alderique nin siquier esiste, la esmolición ta centrada nos pidíos de los más pequenos de la casa. “Los mios fíos nun son de tendencies. Unu va cumplir 10 años y ye fiel a clásicos como Lego y Playmobil. La pequeña nun se decide por nada, disfruta con cualquier cosa. Por exemplu, los xuegos de mesa siempre funcionen y son pa toos”, diz Virginia López, mientres ve a una clienta, Giseli Do Santos llevar otru clásicu. Lo clásico caltiense y lo que nun quieren los negocios ye rescatar l'alderique del sexismu. Por obsoletu.
Paula Palazón asitia un gran peluche. / Elena G. Díez
- Gran despliegue en el HUCA para trasladar a otras comunidades los órganos donados por un adolescente asturiano
- 6,50 euros: el dinero que ofrece Adif a una joven ganadera asturiana por dejar su explotación y que no da 'ni para un saco de pienso
- Atención conductores asturianos: un nuevo radar móvil entra en funcionamiento en la 'Y
- La llamada de auxilio a su hijo del octogenario desaparecido en Cudillero: 'Ven a traeme un palu, a ver si soy a levantame
- Una mujer sufre una indisposición en plena Autovía del Cantábrico en Posada de Llanes: la Guardia Civil la encontró tirada sobre la calzada
- Los ataques a profesores van a más en Asturias: la última agresión, este mismo martes, acabó con una docente en el centro de salud
- Un herido y cuatro coches dañados al perder un camionero drogado su carga de troncos de madera en la Autovía entre Villaviciosa y Ribadesella
- La frustración de dos asturianas que quieren ser ganaderas: a una no le acaba de llegar el dinero aprobado y a otra nunca le llegará
