Los productores de faba con sellu de calidá van recibir ayudes pa compensar la collecha llaceriosa d'esti añu
La Conseyería va entamar fondos especiales, amás de los de la PAC, p'amenorgar les perdes, d'hasta'l 40% de lo semao
Faba manchada d'esti añu.
La Conseyería de Mediu Rural cuenta entamar l'añu qu'entra ayudes especiales pa los productores de faba baxo'l sellu de calidá IXP (Identificación Xeográfica Protexía) dempués de la última collecha, "catastrófica", en palabres del propiu sector. Asina lo confirmó'l titular del departamentu, Marcelino Marcos Líndez, qu'esti día presidió la xunta del Conseyu Agrariu del Principáu, na qu'aprovechó pa informar de los planes pa cola faba.
"Al marxe de qu'en 2025 hai una singularidá prevista al respeutive de que los productores que tean dientro de la IXP van tener más ayudes de la Política Agraria Común (PAC), treslladé tamién a les organizaciones presentes nel conseyu que vamos entamar con otres ayudes específiques pa los productores, siempre y cuando tean dientro del sellu", esplicó'l Conseyeru.
El conseyu regulador de Faba d'Asturies tien hasta xineru pa cerrar la contabilidá de tolo que se recoyó na última collecha y cuántu se va certificar, anque les previsiones nun son mui falagueres y lo escuende naide. Anque hai zones que llibraron –el territoriu del centru d'Asturies un poco menos mancáu frente al Occidente, onde se concentren dellos de los mayores plantíos– polo xeneral calcúlase que podría perdese ente'l 30 y 40% de la collecha al respeutive de la del añu pasáu, que tampoco foi perbona.
Si la de 2023 perdióse pola seca, la d'esti 2024 sufrió xustamente por tolo contrario: l'escesu d'agua. Les lluvias abondoses de primavera y tamién les del branu favorecieron la proliferación d'hongos y otres enfermedaes. Los problemes yá s'empezaron a detectar na recta final del branu, coles primeres plantaciones esfarrapaes.
"Cola ayuda del Gobiernu del Principáu d'Asturies"
- Gran despliegue en el HUCA para trasladar a otras comunidades los órganos donados por un adolescente asturiano
- 6,50 euros: el dinero que ofrece Adif a una joven ganadera asturiana por dejar su explotación y que no da 'ni para un saco de pienso
- Atención conductores asturianos: un nuevo radar móvil entra en funcionamiento en la 'Y
- La llamada de auxilio a su hijo del octogenario desaparecido en Cudillero: 'Ven a traeme un palu, a ver si soy a levantame
- Una mujer sufre una indisposición en plena Autovía del Cantábrico en Posada de Llanes: la Guardia Civil la encontró tirada sobre la calzada
- Los ataques a profesores van a más en Asturias: la última agresión, este mismo martes, acabó con una docente en el centro de salud
- Un herido y cuatro coches dañados al perder un camionero drogado su carga de troncos de madera en la Autovía entre Villaviciosa y Ribadesella
- La frustración de dos asturianas que quieren ser ganaderas: a una no le acaba de llegar el dinero aprobado y a otra nunca le llegará
